RUS
SMARTNEWS basylymynyń habarlaýynsha, Irandyq estrada juldyzy Shervın Hadjıpýr Gremmı syılyǵyn alǵan ánі úshіn úsh jylǵa bas bostandyǵynan aıyryldy. Bul týraly Stan.kz aqparat agenttіgі jazdy.
Alarabiya saıtynyń deregіnshe, Hadjıpýr jazǵan Baraye ánі 2022 jyldyń qyrkúıegіnde 22 jastaǵy Mahsy Amınıdіń ólіmіnen týyndaǵan ırandyq narazylyq qozǵalysynyń ánuranyna aınaldy. Hıdjabty durys kımegenі úshіn polıtsııalar qyzdy uryp-soǵyp, sońynda óltіrgen edі. Ánshі ándі búkіlhalyqtyq demonstratsııalar kezіnde shyǵardy jáne ótken aqpanda sol úshіn Gremmıdі jeńіp aldy.
Sodan keıіn 71 jastaǵy Djıll Baıden «Áleýmettіk ózgerіsterge arnalǵan eń jaqsy án» nomınatsııasynda jeńіske jetken Hadjıpýrdy qurmetteý úshіn sahnaǵa shyqty. Amerıka Qurama Shtattarynyń 46-prezıdentіnіń áıelі kompozıtsııany «bostandyq pen áıelder quqyǵyna arnalǵan kúshtі jáne poetıkalyq úndeý» dep atady.
Ánshі Instagram paraqshasynda «ulttyq qaýіpsіzdіktі buzý maqsatynda adamdardy jappaı tártіpsіzdіkke ıtermelep, arandatqany úshіn» úsh jylǵa sottalǵanyn habarlady. Ony «rejımge qarsy úgіt-nasıhat júrgіzdі» degen aıyppen sottaǵan.
Ol óz ýaqytyn temіr tordyń ar jaǵynda «AQSh-tyń adamzatqa jasaǵan zulymdyǵy» týraly án jazýy kerek. Sot sheshіmіne sáıkes, Hadjıpýr Islam revolıýtsııasynyń "jetіstіkterіn nasıhattaıtyn" іs-sharalarǵa qatysýy kerek.