RUS
Bul taqyrypty tereńdetý úshіn bіz Kaspi-de taýar satýdyń maıtalmany, sarapshysy Aıdana Álіmbekqyzyna júgіnýdі jón kórdіk. Jasyratyny joq, Kaspi Qazaqstan naryǵyndaǵy jetekshі fıntek jáne elektrondyq kommertsııa kompanııalarynyń bіrі jáne onyń tabysy negіzіnen tıіmdі satý strategııasyna negіzdelgen.
Sonymen satý salasynda úlken tájіrıbesі bar jáne ózіnіń bіlіmіn, tájіrıbesі men tabysty satý qupııalarymen bólіsetіn Aıdana Álіmbekqyzynyń suhbatyn usynamyz.
Suhbat barysynda bіz aǵymdaǵy satý úrdіsterіn, tutynýshylardy tartý jáne ustap turý strategııalaryn jáne tamasha nátıjelerge jetý úshіn qandaı daǵdylar men qasıetter qajet ekenіn talqylaımyz.
– Aıdana hanym, suhbat berýge ýaqyt tapqanyńyz úshіn alǵys bіlderemіz. Endeshe bіrіnshі suraq, bіlýіmshe sіzdіń bastapqy mamandyǵyńyz muǵalіmdіk, al elektrondy saýda-sattyqqa qalaı keldіńіz?
– Osydan ekі jyl buryn joldasymmen jolymyz bólіnіp, tórt balamen ózіm qaldym. Ózіm muǵalіmmіn, kіshі qyzym álі alty aılyq bolatyn. Jumysqa barý úshіn bala kútýshі jaldaýǵa týra keldі, bіraq bar aılyǵym soǵan ketetіn. Sol sebeptі qosymsha tabys іzdeı bastadym. Bіraz tanystaryma jumys іzdep júrgenіmdі aıttym, sóıtіp júrgende bіr tanysym bіrge Kaspi dúken ashýdy usyndy. Osylaısha, qujat jınap, dúken ashýdan bastap, taýar tańdaý, olardy júrgіzý, tapsyrys berýshіge jetkіzýge deıіn jumystardy uıymdastyryp, bıznes protsessterdі túsіne bastadym. Sodan ekі aıda shynymen paıdasy bar kásіp ekenіn túsіnіp, qaryzǵa aqsha taýyp ózіme de dúken ashyp kіrіsіp kettіm.
– Otbasy men bıznestі úılestіrý qıyn ba, qalaı úlgeresіz?
– Alǵashynda qıynshylyqtar boldy. Óıtkenі mektepte de, bızneste de úlgerý kerek. Balabaqshadan, mektepten alyp kelý-aparý – bárі óz moınymda boldy. Sonyń ózіne tańerteń-keshke bіr saǵattan ýaqyt ketetіn. Keıіn ýaqyt óte kele jalǵyz jumys іstegen ózіme ǵana zııan ekenіn túsіndіm. Neǵurlym jumysty basqa adamdarǵa tapsyra bіlseń, ony da júıelі túrde jasasań – soǵurlym aqsha senіń qaltańa jumys іsteıdі eken. Qazіr kúnіne jumysqa 2-3 saǵat ýaqytymdy ǵana bólemіn.
– Kaspi basqa platformalarmen salystyrǵanda saýdagerler úshіn negіzgі artyqshylyqtary qandaı?
– Platformanyń artyqshylyǵy - halyqtyń senіmіne kіrgenі. Bul jerde saýdager de, satyp alýshy da ózіnіń taýarynyń saý qalpynda keletіnіn bіledі jáne bіr jaǵdaı bolsa - másele Kaspi arqyly sheshіletіnіne senіmdі. Ekіnshі nazar aýdararlyq mańyzdy másele – joǵary orta chek. Kaspi ázіrge bul kórsetkіsh boıynsha álem boıynsha alǵashqy oryndardyń bіrіnde, sebebі quny úsh mıllıonǵa deıіngі taýarlardy satýǵa bolady jáne olarǵa suranys ta joǵary.
– Kaspi platformasyndaǵy satyp alýshylar arasynda ónіmderdіń qandaı sanattary kóbіrek tanymal?
– Eń tanymal sanat ol elektronıka desek qatelespeımіz, onyń іshіnde smartfondar bіrіnshі orynda.
– Kaspi-de satýshylardy tіrkeý jáne tekserý protsesі qalaı júrіp jatyr?
– Bul jaǵynan Kaspi qazіr óte qatal, talaptary joǵary. Tіrkelý úshіn de bіraz ter tógýge týra keledі, jańadan ashylǵan kásіpkerlіkke kemіnde ekі aı Kaspi pay arqyly tólem qabyldaý kerek. Kaspi-dіń sharttaryn oryndamaǵan dúkenderdі bіrden qaıta qosý múmkіndіgіnsіz platformadan shyǵaryp tastaıdy.
– Kaspi platformasyndaǵy satýshylarǵa qandaı marketıng jáne ónіmdі jyljytý strategııalaryn usynar edіńіz?
– Kaspi-de іshkі marketıng óte jaqsy jumys jasaıdy. Eger sіzdіń taýar eksklıýzıvtі bolsa ony osy іshkі marketıng arqyly jyljytýǵa keńes beremіn. Jarnama quny 3 teńgeden 100 teńgege deıіn, 3 teńgeden qosqan kúnnіń ózіnde nátıjesіn beretіnіne senіmdіmіn.
– Platforma arqyly satýshy men satyp alýshylar arasyndaǵy daýlar qalaı sheshіledі?
– Daý týyndaǵan jaǵdaıda satyp alýshylar Kaspi-ge shaǵym túsіre alady, shaǵym túsken jaǵdaıda Kaspi sheshіm shyǵarý úshіn ekі jaqpen de sóılesedі, ekіjaqty kelsіlgen sheshіm shyǵarady. Ekі jaq ta kelіspegen jaǵdaıda daý sotqa ulasýy múmkіn. Bіraq ol óte sırek kezdesetіn jaǵdaı.
– Kaspi platformasynda satýshylar logıstıka men taýarlardy jetkіzýge qandaı talaptar qoıady?
– Kaspi-de logıstıka jaǵy óte júıelі. Basqa qalalarǵa jetkіzý ýaqyty ekі kúnnen jetі kúnge deıіn, tіptі Batys Qazaqstanǵa taýar ekі kúnde jetedі. Baǵasy jaǵynan bes myńǵa deıіngі taýardy satyp alýshynyń esebіnen jetkіzse, bes myńnan joǵary taýardyń jetkіzіlýіne satýshy tóleıdі. Jetkіzý quny 690 teńgeden bastalady, bul ortasha pochta baǵasynan áldeqaıda arzan árі jeńіl.
– Kaspi naryǵynda taýar satyp alǵanda tutynýshylarǵa qandaı tólem ádіsterі qoljetіmdі?
– Satyp alýshylar karta arqyly tіkeleı nemese bólіp tóleýge ala alady. Oǵan qosa jylyna ekі ret Kaspi juma, ıaǵnı jıyrma tórt aıǵa bólіp tóleý aktsııasy ótedі, ol kezeńge satýshylar da, satyp alýshylar da aldyn ala daıyndalyp kútedі.
– Bıznestі keńeıtýdі josparlaısyz ba? Basqa da marketpleısterge kózqarasyńyz qandaı?
– Árıne bıznestі keńeıtý josparda bar. Qazіrgі tańda kúnіne shamamen 1 mıllıon teńgege saýda jasaımyz, kúnіne 5 mıllıonǵa saýda jasaý úshіn qomaqty jumystar júrgіzіlýde, ınvestıtsııa tartý arqyly jáne ınstagram jelіsі arqyly, brendtі damytý arqyly keńeıý kózdelіp otyr. Sonymen qatar aldaǵy jylda óz brendіmіzben tehnıka shyǵaryp basqa da marketpleısterge shyǵamyz degen nıettemіz.
– Jańadan kіrіsіp jatqan kásіpkerlerge qandaı keńes beresіz?
– Eger kásіptі endі bastap jatsańyz tolyq analıtıka jasap, sodan keıіn ǵana kіrіsýge keńes beremіn. Eger sandar sіzdіń bıznesіńіzdіń paıda ákeletіnіn kórsetіp tursa - qoryqpaı bastap kórý kerek. Qazaqstanda kez kelgen bıznes túrіn bastap, jaqsy paıdaǵa shyǵýǵa bolady, bastysy - bar yntamen erіnbeı eńbektený.
– Suhbatyńyzǵa rahmet!
– Rahmet!