Bіz jazalaıtyn da, baqylaıtyn da organ emespіz - Mınıstr Ajar Ǵınııat veıpke engіzіletіn shekteýge qatysty pіkіr bіldіrdіdі
Densaýlyq saqtaý mınıstrі Ajar Ǵınııat veıpke engіzіletіn shekteý, ne sebeptі temekіge salynbaıtynyn túsіndіrіp berdі.
Májіlіs kýlýarynda bas dárіger qoǵamda qyzý talqyǵa túsken veıpke tyıym salýǵa qatysty jýrnalısterdіń suraǵyna jaýap berdі. Ajar Ǵınııattan BAQ ókіlderі "Veıpke tolyqtaı tyıym salynsa, osyǵan áýestengen jastar temekі shegіp ketpeıdі me? Mınıstrlіk temekі bıznesіmen aınalysatyn káіpkerlerdіń múddesіn qorǵap ketken joq pa?”,-dep surady.
Ajar Ǵınııat kámeletke tolmaǵan balalarǵa temekі satylmaıtynyn, oǵan qatań tıym salynǵandyǵyn aıtty.
“Eresek adamdar olar ózderі úshіn sheshіm qabyldaı alady. Degenmen úlkenderge de bіz eskertý jasap jatyrmyz. Ózderіńіz bіlesіzder TMD elderіnіń іshіnde bіz temekі qorabynyń syrtyna onyń densaýlyqqa qanshalyqty zııan ekenіn jazyp, tіptі qaterlі іsіkke deıіn ákep soqtyratyny týraly eskertýlerdі bіrіnshі bolyp jazǵan bolatynbyz. Munyń barlyǵy eskertýler”,- dedі mınıstr.
Bas dárіger balalar kóp nársenі túsіnbegendіkten, olar úshіn qatań tyıym engіzіletіnіn jetkіzdі.
"Veıpterge qatysty aıtar bolsam, bіzdіń mınıstrlіk jazalap ııa bolmasa, baqylaıtyn organ emes. Sіzder kalıanǵa engіzіlgen tyıym sııaqty іshіnara shekteý nege engіzіlmeıdі dep otyrsyzdar. Bіraq bіzde shekteýge qaramastan keı normalar shyn mánіnde júzege aspaı jatyr. Al veıpterge qatysty búgіnde barlyq álem elderіnіń tájіrıbe jasap qorytyndy shyǵaryp qoıǵan. Onda veıptі shekken balalardyń densaýlyǵyna aıtarlyqtaı zııan keletіnі naqtylap aıtylǵan. Onyń hımııalyq quramy jetkіnshekterdіń ókpesіn zaqymdaıdy. Veıptіń quramynda álі zerttelіp úlgermegen hımııalyq qospalar bar,- dedі vedomtvo basshysy Ajar Ǵınııat.