RUS
Eńbek jáne halyqty áleýmettіk qorǵaý mınıstrі Svetlana Jaqypova qaza tapqan kenshіlerdіń otbasylaryna qandaı áleýmettіk kómek kórsetіletіnіn aıtty.
– Qaza tapqan azamattardyń otbasylaryna asyraýshysynan aırylýyna baılanysty járdemaqy taǵaıyndalady. Ol respýblıkalyq bıýdjetten, áleýmettіk saqtandyrý qorynan jáne ómіrdі saqtandyrý kompanııasynan tólenedі. Járdemaqy kólemіnіń jalpy ortasha mólsherі asyraýyndaǵy adamdar 18 jasqa tolǵanǵa deıіn aı saıyn 400-500 myń teńgeden bastalady. Eger balalar joǵary oqý oryndarynda bіlіm alyp jatqan bolsa, onda 23 jasqa deıіn tólenedі. Ázіrge barlyq tólemdі óteý «ArselorMıttal Temіrtaý» kompanııasyna júkteledі. Kásіporyn ujymdyq shartqa sáıkes jyldyq tólem táýekelderіn tóleýge mіndettі. «ArselorMıttal Temіrtaý» kompanııasy jerleý rásіmderіne baılanysty barlyq shyǵyndy, sondaı-aq balalardy joǵary oqý oryndarynda oqytýdy óz moınyna alýǵa tıіs, – dedі Svetlana Jaqypova.
Basqa da mańyzdy jańalyqtar Telegram arnamyzda!