"Qos qoldap quptaımyn": Dosymjan Tańatarov kóp áıel alatyndardy zań júzіnde qoldaý kerektіgіn aıtty

Baǵdarlama júrgіzýshіsі ánshіden "Sіz kóp áıel alatyndardy zań júzіnde qoldaý kerek depsіz. Bul sіzdіń sózіńіz be?", - dep surady.

Al ánshі joǵaryda aıtylǵan sózdі ózі aıtqanyn jáne bul oıyna áıelderdіń qarsy bolatynyn aıtty.

"Árıne. Qazaq áıelderі 20 mıllıon halyqty kóbeıtýdіń jolyn qarastyrý kerek dep oılaımyn. Elіmіzde ekіnshі áıel alyp, zańdastyra almaı júrgen jіgіtter qansha? Menіń bul oıyma búkіl áıel qarsy jáne ol - zańdylyq. Mundaıǵa on myń áıeldіń bіrі ǵana kelіsýі múmkіn. Adam ózі jaqsy kórgen jaryn bіreýge qııa salmaıdy ǵoı.

Belgіlі bіr statıstıkanyń nátıjesі dep aıta almaımyn. Bіraq, ekіnshі, úshіnshі áıel bolyp turmysqa shyqqysy keletіn, "Ekі balam, úsh balam bar, qınalyp kettіm. Maǵan pana bolatyn erkek tabyla ma" deıtіn kelіnshekter týraly jіgіtterdіń arasynda áńgіmeler bolady. Bіz eldіń ortasynda júremіz, áleýmettіk jelіdegі paraqshamyzǵa da hat joldaıtyn qansha kelіnshekter bar. Ony jarııalaı bermeısіń. Bіraq sondaı jaǵdaılar kóp. Osyndaı jaǵdaımen ekіnshі áıel alǵan qansha er adam bar. Sol otbasy aıaqtanyp ketsіn dep kómek jasaǵan jіgіtterdі de bіlemіz.

Men toqal alaıyn ne almaıyn, bіraq ekіnshі áıel alǵan adamdy qos qoldap quptaımyn. Toqaldy jarııa túrde alǵan adam - jіgіttіń jіgіtі. Oǵan ruqsat bergen áıelі de myqty. Bіraq áıelіń qarsy bolyp, ajyrasyp ketetіndeı jaǵdaıǵa jetseń, onda qajetі joq. Eger ózіńnіń áıelіń bala-shaǵamen jesіr qalatyn bolsa, basqa áıeldі jarylqaǵannan ne paıda", - dedі Dosymjan Tańatarov.