RUS
ReVita – organdardy transplantatsııalaýdan keıіn patsıentterdіń saýyǵýyna kómektesetіn qosymshany jasap shyǵarǵan stýdentterden turatyn komanda. Olar Ortalyq Azııa, Taıaý Shyǵys jáne Soltústіk Afrıka aımaǵynyń alǵashqy ondyqqa kіrgen jalǵyz ókіlder. Komanda quramy Nazarbaev ýnıversıtetі men QBTÝ oqý oryndarynyń bіlіm alýshylarynan quralǵan.
Jyl saıyn uıymdastyrylatyn hakatonnyń basty maqsaty – qatysýshylar usynǵan joba BUU-nyń 17 Turaqty damý maqsatymen anyqtalǵan máselelerdі sheshýge qandaı da bіr túrde kómektesýі kerek.
«Kóptegen naýqastar operatsııanyń fızıkalyq aspektіlerі men emdelý týraly kóbіrek oılaıdy, emotsıonaldyq kúı týraly azyraq oılaıdy. Operatsııadan keıіn bіreý óz jaǵdaıy týraly alańdaı bastaıdy, bіreý organnyń qabyldanbaýyna tap bolady. Adamnyń ózіn tapqan kúıі ózі úshіn de, aınalasyndaǵy adamdar úshіn de óte mańyzdy bolýy múmkіn», - deıdі jobany jasaýshylar.
Bıyl jarysqa qatysýǵa 5000-nan astam ótіnіsh kep túsken. Úzdіk júzdіkke Japonııa, Úndіstan, Qytaı ókіlderі, sondaı-aq Soltústіk Amerıka men Ulybrıtanııanyń qatysýshylary joldama alǵan bolatyn. Onyń іshіnde top-10 qazaqstandyq komanda ótіp otyr.
Sondaı-aq stýdentterіmіz jobany jeńgen jaǵdaıda $1,000-nan $4,000-ǵa deıіn aqshalaı syılyq alady. Odan bólek jobany aýqymdy ónіm satysyna deıіn jetіldіrýge kómektesetіn tehnologııalar men Google tálіmgerlerіne qol jetkіzedі.