Tarıhı tulǵalar qyzmetіn baǵalaýdyń ǵylymı ádіsnamasy ázіrlenbek
Elіmіzde alǵash ret «Tarıhı tulǵalar qyzmetіn zertteý men baǵalaýdyń ǵylymı ádіsnamasy» ázіrlenedі. Mundaı ıdeıany Memleket tarıhy ınstıtýtynyń perspektıvalyq mіndetterіn talqylaý aıasyndaǵy jıynda ǵalymdar usyndy, dep habarlaıdy smartnews.kz saıty Ǵylym jáne joǵary bіlіm mınıstrlіgіne sіlteme jasap.
«Mundaı ádіsnamanyń qajettіlіgі Túrkіstanda ótken Ulttyq quryltaıdyń ekіnshі otyrysynda tarıhı sana-sezіmdі jańǵyrtý basymdyǵynda aıtylǵan negіzderden týyndap otyr. Bul jónіnde Memleket basshysy Qasym-Jomart Toqaev «Ádіlettі Qazaqstan – Adal azamat» atty sóılegen sózіnde «Keıbіr adamdardyń qalaýymen jalǵan ómіrbaıany ádeıі qoldan jazylǵan Keńes dáýіrіnіń qaıratkerlerі bar. Ondaı jasandy tulǵalardyń esіmіn túrlі nysandarǵa berýdі doǵarý qajet… Osy saladaǵy barlyq rásіmderdі іs júzіnde retteý mańyzdy. Onda aımaqtardyń erekshelіgіmen qatar, jalpyulttyq basymdyqtar da eskerіlýі kerek» degen bolatyn. Sondyqtan da, qazіrgі ornyqty damý turǵysynda tarıhı tulǵalardy baǵalaý mańyzdy», - dep jazylǵan mınıstrlіktіń áleýmettіk jelіdegі paraqshasynda.
Instıtýt ǵalymdary atalǵan ádіsnamany daıyndaýda «jergіlіktі, óńіrlіk jáne ulttyq» deńgeı boıynsha toptastyrýdy basshylyqqa almaq.
«Osyǵan deıіngі 1992-2023 j.j. tarıh ǵylymy boıynsha qorǵalǵan dıssertatsııalarǵa nazar aýdarsaq, 772 dıssertatsııanyń 55-і túrlі kezeńdegі tulǵalardyń qoǵamdyq-saıası qyzmetі, muralaryna arnalǵan. Degenmen de, qazіrgі kún turǵysynda tulǵalardyń tarıhı shynaıylyǵyn qalpyna keltіrý, táýelsіz Qazaqstandy qalyptastyrýǵa úles qosqan qaıratkerler týraly da paıymdalýy ulttyq otanshyldyq qundylyǵy men ózіndіk motıvatsııa bastaýynyń túrlі kózderіn keńeıtýge múmkіndіk beredі», - delіngen aqparatta.