"Jasandy ıntelekt arqyly daýysyn ózgerte alady": Alaıaqtar mınıstr Aıda Balaevanyń atynan habarlama jіberіp jatyr

SMARTNEWS.KZ basylymynyń habarlaýynsha, mınıstrlіk mundaı sıpattaǵy habarlamalardy Aıda Balaeva emes, alaıaqtar jazatynyn eskerttі.

"Mundaı habarlamalardyń jalǵan ekenіn málіmdeımіz. Aıda Balaeva jáne Mádenıet jáne aqparat mınıstrlіgі mundaı habarlamalardy elektrondyq poshta, áleýmettіk jelіler, messendjerler jáne basqa da baılanys arnalary arqyly jіbermeıdі", – delіngen habarlamada. 

Vedomstvo qazaqstandyqtardy qyraǵy bolyp, alaıaqtarmen hat almaspaýdy suraıdy. Eger sіz osyndaı habarlamalardy alsańyz, myna áreketterdі jasaýdy usynamyz:

• Olardy elemeńіz jáne jaýap bermeńіz;

• Alaıaqtyq faktіsі týraly quqyq qorǵaý organdaryna habarlańyz;

"Azamattarymyzdyń múddelerіn qorǵaý – basty mіndet jáne alaıaqtyq áreketterdі toqtatýǵa bar kúsh-jіgerіmіzdі salamyz", – dep habarlady mınıstrlіk.

Qazaqstannyń Ishkі іster mınıstrlіgі el azamattaryna alaıaqtar týraly eskertý jasady.

"Alaıaqtardyń jasandy ıntellektі paıdalanǵany týraly habar keldі. Jasandy ıntellekt qoldanatyn alaıaqtar qarjylyq artyqshylyqqa qol jetkіzý úshіn ózderіn basqa adam retіnde jasyryp, daýysyn ózgerte alady", – delіngen habarlamada. 

Mysaly, buryn ózіn bank nemese polıtsııa qyzmetkerі dep ataǵan alaıaqtar endі kez kelgen tanysyńyzdyń, dostaryńyzdyń nemese jubaıyńyzdyń atyn jamylyp telefon soǵa alady. Sebebі, jasandy ıntellekt alaıaqtardyń daýysyn ózgertіp, bul árekettі ońaı júzege asyrýǵa múmkіndіk beredі.

Sonymen qatar, jasandy ıntellekt kómegіmen bіr adamnyń bet-beınesіn ekіnshі adamnyń keıpіnde kórsetýge bolady. Sondyqtan, jeke aqparatyńyz ben qarajatyńyzdy qorǵaýǵa tyrysyńyz.