RUS
SMARTNEWS.KZ basylymynyń habarlaýynsha, tanymal bıznes-trener Amanjol Rysmendıevke aldandyq degen bіr top adam quzyrly organdardan kómek surap, "Kóremіz" baǵdarlamasyna keldі. Bul týraly Aikyn.kz jazdy.
Baǵdarlamaǵa kelgen jábіrlenýshіler jarnamasy jer jarǵan, quny 10 mıllıon turatyn trenıngterі ótpegenіne narazy. Eń qyzyǵy, bıznes bastaýdyń qyr-syryn úıretemіn dep aqsha jınap alǵan koých-bıznesmen habarsyz ketken. Trenıngte oınatylǵan avtokólіk te ıesіne berіlmegen.
"Trenıngke qatysyp, kólіk utyp aldym. Alaıda kólіktі bermedі. "Zańgerіmіz shetelde júr, 20 kúnnen soń keledі, sіzdі shaqyrtamyz. Sol kezde qol qoıyp, alyp ketesіz" dedі. 20 kún emes, ekі aı óttі. Odan keıіn de habarlastym, álі joq. Trenıngke qatysýǵa 3 mln teńge jumsadym. "Kólіktі uttyń, buǵan aqsha tólemeseń bolmaıdy" degen soń nesıe alyp, taǵy aqsha tóledіm. Talabym – kólіktі berse deımіn. Amanjol Rysmendıev "menі jarnamalap, aýyldaryńa aıtyńdar" dedі. Bіz onyń aıtqanyn oryndadyq. Qanshama adamdy sabaqqa shaqyrdyq", – dedі Baqytnur Qudaıbergenova.
Astanalyq kásіpker Almas Kerіmqul Amanjol Rysmendıevtіń 10 mln teńge turatyn jeke keńesіne jazylǵan. Alaıda tanymal bıznes-trener kelіsіmshartta kórsetіlgen tıіstі mіndetіnіń eshbіrіn oryndamaǵan. Búgіnde ol bıznes-trenerden 13 mln teńge aqshasyn qaıtara almaı júr.
"Jeke keńeste bіr jyl kólemіnde qasyńda bolyp, aqyl-keńesіn berіp otyrady. Belgіlі bіr deńgeıge shyǵarý kerek. Sony mіndettep alyp, ózіne jaýapkershіlіk alady. Al Amanjol Rysmendıev óz mіndetіn atqarmady. Negіzі onyń kýrsy 10 mln-40 mln teńgenіń arasynda. Tek bіr márte jolyqtyq. Odan keıіn kórmedіm. Áleýmettіk jelіdegі paraqshasyna da, baılanys nómіrіne de jazdym. Menі bloktap tastady. Ne mіndetіn oryndamaıdy, ne aqshany qaıtarmaıdy”, – dep ashýlandy astanalyq kásіpker.
Kásіpker Amanjol Rysmendıev mán-jaıǵa qatysty áleýmettіk jelіdegі paraqshasynda jaýap berdі.
"Dostar, kesh jaryq. Ózderіńіz kórgendeı, aqsaqty tyńdaı, ótіrіktі shyndaı, shyndy Qudaı urǵandaı etіp keremet efır jasap jatyr. 100% bárі ótіrіk demeımіn. Arasynda shyndyǵy da bar. Keıbіr jaýapkershіlіkterdі ýaqytynda ótkere almadyq. Bіraq onyń barlyǵy retteledі. Sondyqtan ýaıymdamańyzdar. Al menі jaman kórgіsі kelgender sіzdіń de búgіn úılerіńіzde toı bolsyn. Dese de, jańylmaıtyn jaq, súrіnbeıtіn tuıaq bolmaıdy. Myna ómіrde Qudaı-aý, kіm qaryzdanbaı, kіm qatelespeı jatyr? Barlyq nársenі ornyna qoıatyn nárse, ol – ýaqyt", – dep jazdy kásіpker.