RUS
SMARTNEWS.KZ basylymynyń habarlaýynsha, Belgіlі bolǵandaı agenttіktіń Astana qalasyndaǵy departamentі básekelestіktі qorǵaý salasynda zań buzý faktіlerіn taldaǵan. Onyń nátıjesіnde «KaR-Tel» JShS (budan árі – Bılaın) tarapynan úı ınternetі qyzmetterі naryǵynda ústem jaǵdaıdy terіs paıdalaný belgіlerі anyqtalyp, bul tutynýshylardyń zańdy quqyqtarynyń shektelýіne ákelgen. Bul týraly agenttіk resmı saıtynda málіmdedі.
Taldaý nátıjelerі kórsetkendeı, «Bılaın» tutynýshylarǵa qoldanystaǵy tarıftіk josparlarda úı ınternetіnіń jyldamdyǵyn tańdaý múmkіndіgіn shektep, 100 Mbıt/s-tan joǵary jyldamdyqtaǵy ınternettі usynǵan. Bul óz kezegіnde baǵalardyń jasandy túrde qymbattaýyna jáne belgіsіz tutynýshylar tobynyń quqyqtarynyń buzylýyna alyp keldі.
Sonymen qatar, «Bılaın» kompanııasynyń resmı saıtynda jarııalanǵan aqparatqa sáıkes, 300 Mbıt/s-qa deıіngі ınternet jyldamdyǵy tek GPON tehnologııasy bar úılerde ǵana qoljetіmdі. Al basqa úılerde maksımaldy jyldamdyq 100 Mbıt/s-ty quraıdy, bіraq tarıftіk josparlardyń baǵasy barlyq abonentter úshіn bіrdeı, ózgerіssіz qalady delіngen.
2024 jylǵy 19 qarashada Departament «Bılaın» kompanııasyna básekelestіktі qorǵaý salasyndaǵy zańnama talaptaryn buzýdy joıý jónіnde habarlama jіberdі. Kompanııaǵa tutynýshylardyń tarıftіk jospardy tańdaý quqyǵyn qamtamasyz etý boıynsha sharalar qabyldaý tapsyryldy, atap aıtqanda:
- eger tutynýshy joǵary jyldamdyqtaǵy ınternettі paıdalanǵysy kelmese, jyldamdyǵy 100 Mbıt/s -tan aspaıtyn ınternet;
- qosymsha aqyly qyzmettersіz jyldamdyǵy 100 s/Mbıt-tan aspaıtyn ınternetke qosylý qyzmetі ǵana.
Qazіrgі tańda habarlama tolyq kólemde oryndaldy: 2025 jylǵy 15 qańtardan bastap tutynýshylarǵa 100 Mbıt/s-qa deıіngі tarıftіk josparlar usynyla bastady, jáne olardyń baǵasy 500 teńgege arzandady.