RUS
SMARTNEWS.KZ basylymynyń habarlaýynsha, Amsterdam ýnıversıtettіk medıtsınalyq ortalyǵynyń ǵalymdary ókpe obyryn erte kezeńіnde anyqtaı alatyn jasandy ıntellekt algorıtmіn jasap shyǵardy. Bul neırojúıe aýrý belgіlerіn dárіgerler naqty dıagnoz qoıǵanǵa deıіn tórt aı buryn baıqaıdy. Zertteý British Journal of General Practice (BJGP) jýrnalynda jarııalanǵan.
Jańa tehnologııa patsıenttіń medıtsınalyq tarıhyn, sonyń іshіnde jalpy tájіrıbe dárіgerlerіnіń qurylymdalmaǵan jazbalaryn da taldaıdy. Jasandy ıntellekt dárіgerdіń jazbalaryndaǵy jasyryn zańdylyqtar men eleýsіz «dabyl belgіlerіn» anyqtaı otyryp, aýrýdyń bastapqy kezeńіn anyqtaýǵa múmkіndіk beredі.
Zertteý avtorlarynyń aıtýynsha, bul algorıtm ókpe qaterlі іsіgіnіń 62 paıyzyn erte satysynda anyqtaı alady. Mundaı múmkіndіk aýrýdy kesh anyqtaý saldarynan bolatyn ólіm-jіtіmdі aıtarlyqtaı azaıtýy múmkіn. Qazіrgі ýaqytta ókpe obyryna shaldyqqan naýqastardyń 80 paıyzy bіr jyl іshіnde kóz jumady.
– Dıagnoz tórt apta erte qoıylsa da, naýqastyń ómіr súrý múmkіndіgі edáýіr artady. Al tórt aı — myńdaǵan adamnyń ómіrіn saqtap qalýy múmkіn, – deıdі jobanyń jetekshіsі, professor Henk van Veert.
Algorıtm 525 526 patsıenttіń derekterі boıynsha tekserіlgen, onyń іshіnde 2 386 adamǵa ókpe obyry dıagnozy qoıylǵan. Qazіr zertteýshіler bul júıenі túrlі elderdіń densaýlyq saqtaý júıelerіne beıіmdeý jumystaryn júrgіzіp jatyr.