RUS
SMARTNEWS.KZ basylymynyń habarlaýynsha, Ahangaran aýdanynyń soty Tashkenttegі qoǵamdyq tamaqtaný oryndaryn esek etimen qamtamasyz etkenderge qatysty qylmystyq іs boıynsha úkіm shyǵardy. Aıyptalýshylardyń ekeýі – 2 jylǵa bas bostandyǵynan aıyrylsa, úshіnshіsі – 3 jyl 8 aıǵa bostandyǵy shekteldі.
Podrobno.uz saıtynyń qolyndaǵy qylmystyq іs materıaldaryna sáıkes, sot aldynda úsh adam jaýap berdі. Olardyń bіrі — esek soıyp, etіn satqan, al ekeýі — sol ettі satyp alǵan.
2025 jyldyń qańtarynda Ahangaran aýdanynda jedel іs-shara kezіnde tártіp saqshylary ıesіz ǵımarattan 23 tіrі jáne 15 soıylǵan esektі tapqan. Ekі kúnnen keıіn 200 kelі et tasymaldap bara jatqan er adam ustaldy. Ol ettі 1 kelіsіn 20 myń sýmnan satqanyn jáne jeltoqsannan berі osyndaı іspen aınalysyp júrgenіn moıyndady. Osy ýaqyt іshіnde ol 57 esek satyp alyp, sonyń 32-sіn soıyp satqan.
Onyń aıtýy boıynsha, Mırabad aýdanynda et satyp alýshy ustalyp, odan 193 kelі esek etі jáne úıіnen 60 kelі belgіsіz et tabylǵan. Tergeý barysynda bul et Parkent aýdanyndaǵy samsa satatyn dámhanada qoldanylǵany anyqtaldy.
Tekserý kezіnde sol jerden 20 kelі kúmándі et jáne 5,5 kelі marınadtalǵan ónіm tabyldy. Saraptama olardyń salmonella men іshek taıaqshasymen ýlanǵanyn kórsettі.
Bastapqyda satyp alýshy ettіń qaıdan shyqqanyn bіlmegenіn aıtqanymen, keıіn satyp alǵanyn moıyndady. Onyń ákesі de samsa pіsіrý úshіn osy ettі qoldanǵanyn rastady. Aıtýynsha, ol ettі "Kýılıýk" bazarynan satyp alǵan.
Sot satýshy men satyp alýshyny adam densaýlyǵyna qaýіptі ónіmderdі daıyndap, satqan dep tanyp, 2 jylǵa bas bostandyǵynan aıyrdy. Satyp alýshynyń ákesі 3 jyl 8 aıǵa bostandyǵy shekteldі. Barlyǵy óz kіnásіn moıyndap, keshіrіm surady.
Aıta keteıіk, jyldyń basynda áleýmettіk jelіlerde kanal jaǵasynda jatqan esek ólekselerі túsіrіlgen vıdeo taraǵan. Kýágerler 13 ólekse sanaǵan.
Osydan keıіn quqyq qorǵaý organdary tekserý júrgіzіp, qaraýsyz qalǵan fermada esek soıatyn jasyryn tsehty tapqan. Onda kóptegen ólekseler men taǵy 25 tіrі esek bolǵan.