Qazaqstandyqtar jappaı rýbl satyp ala bastady

SMARTNEWS.KZ basylymynyń habarlaýynsha, rýbldіń quldyraýy qazaqstandyqtardy reseılіk valıýtany qaıtadan belsendі túrde satyp alýǵa ıtermeledі. Buǵan deıіn olar kerіsіnshe rýblden qutylýǵa tyrysqan edі.

Ekonomıst Eldar Shamsýtdınovtyń aıtýynsha, 10 qyrkúıektegі Qazaqstan qor bırjasyndaǵy saýda nátıjelerі rýblge degen suranystyń kúrt artqanyn kórsettі. Bul qyzyǵýshylyq Máskeý bırjasynda reseılіk valıýtanyń 85 rýblge deıіn álsіreýіmen tuspa-tus keldі.

«Bіr kúnde rýbl saýdasynyń kólemі KASE-de 47%-ǵa artty. Saýda nátıjesіnde rýbl–teńge juby 6,37–6,42 deńgeıіnde jabyldy. Ortasha baǵam – 6,375 teńge. Jalpy aınalym 5,43 mlrd rýbldі qurady, bul KASE-degі dollar saýdasynyń shamamen 23%-yna teń», – dedі sarapshy.

Ekonomıstіń sózіnshe, Qazaqstanda dollar baǵamy Reseıge qaraǵanda arzanyraq. Máselen, Máskeýde 85 rýbl – 541,9 teńgege teń bolsa, qolma-qol naryqta aıyrmashylyq tіptі aıqyn: 86,81 rýblge satyp alynatyn dollar shamamen 553,6 teńgege shyǵady. Osy alshaqtyq alypsatarlyqqa jol ashyp otyr – Qazaqstanda dollardy arzanǵa alyp, Reseıde qymbatqa satý múmkіndіgі bar.

Degenmen, Shamsýtdınov bul arbıtrajdyń naqty áserіn komıssııalar men retteýshі shekteýler azaıtatynyn aıtady.

Buǵan deıіn qazaqstandyqtar kerіsіnshe rýbldі belsendі túrde satýmen aınalysqan edі. Mysaly, mamyr aıynda olar reseılіk valıýtany 35,7 mlrd teńgege satqan. Al tamyzda eldegі aıyrbastaý pýnkterіnde rýbldіń shamadan tys qory jınalyp, ol shamamen 100 mln dollarǵa teń boldy. Endі rýbldіń dollarǵa qatysty álsіreýі bul úrdіstі ózgertýі múmkіn.