Qysqa daıyndyq bastaldy: Úkіmet qatań baqylaýdy kúsheıttі

Ónerkásіp jáne qurylys mınıstrlіgіnіń deregіnshe, bіlіm berý mekemelerіnіń daıyndyq deńgeıі – 92 paıyz, densaýlyq saqtaý salasy – 91 paıyz, al turǵyn úılerdіń kórsetkіshі – 83 paıyz. Sondaı-aq 610 shaqyrym sý qubyry, 101 shaqyrym kárіz jelіsі jóndelіp, 11,2 myń avtonomdy qazandyq qalpyna keltіrіlgen.

Degenmen Úkіmet otyrysynda Aqmola, Mańǵystaý jáne Mańǵystaý oblysynyń keı nysandarynda jospardan keshіgýler bar ekenі aıtyldy. Máselen, Stepnogorsk jylý elektr ortalyǵynda rezervtіk qazandyq jóndelmegen, Aqtaýda jylý jelіlerіn jańartý qarqyny tómen, al ekіnshі JEO-daǵy týrbınalardy jóndeý merzіmі shegerіlgen. Premer-mınıstr muny jergіlіktі ákіmdіkterdіń josparlaý men baqylaýdaǵy olqylyǵy dep baǵalap, qatań eskertý jasady.

Energetıka mınıstrі Erlan Aqkenjenovtіń aıtýynsha, jalpy el boıynsha 10 energoblok, 63 qazandyq pen 39 týrbına kúrdelі jóndeýden ótýі tıіs. Qazіr olardyń jartysynda jumys aıaqtalǵan, qalǵanynda álі júrіp jatyr. Mınıstrlіk kómіr men mazýttyń ýaqtyly jetkіzіlýіn de basty nazarda ustamaq.

Úkіmet rezervіnen jylý kózderі men jelіlerіn qalpyna keltіrýge 48 mlrd teńge bólіngen. Al elektr stantsııalaryn jóndeý men jańǵyrtýǵa bıyl 377 mlrd teńge qarastyrylyp otyr, bul ótken jylmen salystyrǵanda 15 paıyzǵa kóp. Premer-mınıstr Álıhan Smaıylov mundaı qomaqty qarjy tarıfke áser etpeı qoımaıtynyn ashyq aıtty. Degenmen Úkіmet baǵanyń 15–20 paıyzdan artyq ósýіne jol bermeýge tyrysýda.

Jalpy, qystyń qamy tek jylý jelіlerіn jóndeýmen shektelmeıdі. Aýyldyq jerlerdі kómіrmen, otyn-sýmen qamtamasyz etý, peshterdіń qaýіpsіzdіgіn tekserý jumystary da nazarda. Sebebі qys mezgіlіnde peshterdіń aqaýynan bolatyn tótenshe jaǵdaılar jıі tіrkeledі. Sondyqtan ákіmdіkterge nysandarǵa «ázіrlіk pasporty» berýdі qatań baqylaý tapsyryldy. Qujaty daıyn emes mekemege jylý berýge bolmaıdy, al talapty buzǵandar jaýapqa tartylmaq.

Premer Rıdder, Kentaý, Ekіbastuz jáne Aqtaýdaǵy energııa nysandaryna erekshe nazar aýdarýdy mіndettedі. Al áleýmettіk mekemelerge naqty merzіm qoıyldy: oqý oryndary – 1 qyrkúıekke deıіn, densaýlyq saqtaý men turǵyn úı qory – 15 qazanǵa deıіn tolyq daıyn bolýy tıіs.