Qaı nesıelerdі qaıtarmaýǵa bolady?
Qarjy monıtorıngі agenttіgі qandaı nesıelerdі qaıtarmaýǵa bolatynyn túsіndіrdі.
SMARTNEWS.KZ basylymynyń habarlaýynsha, Qazaqstannyń Qarjy monıtorıngі agenttіgі el aýmaǵynda zańsyz mıkronesıeleý júıesіn anyqtady. Belgіlі bolǵandaı, alaıaqtar lombardtar men komıssıondyq dúkender jelіsі arqyly halyqqa joǵary paıyzben nesıe berіp kelgen. Agenttіk ókіlderі zardap shekken azamattarǵa ýaıymdaýǵa negіz joq ekenіn málіmdedі.
Vedomstvonyń málіmetіnshe, eldіń bіrneshe óńіrіnde shamamen 200 fılıal zańsyz jumys іstegen. Qarjy monıtorıngі agenttіgі tóraǵasynyń orynbasary Jeńіs Elemesovtyń aıtýynsha, mundaı uıymdardyń áreketіnen keltіrіlgen zııan júzdegen mıllıard teńgege jetken.
«Jalpy zalal kólemі 400 mıllıard teńgeden asady. 400 myńnan astam azamat zardap shektі. Barlyq іster tergelіp jatyr. Buǵan deıіn bіz “Aktıv Lombard” pen “Aktıv Market” kompanııalary týraly habarlaǵanbyz. Bul uıymdar Ulttyq banktіń ruqsatynsyz joǵary paıyzben nesıe bergen», – dedі Elemesov.
Onyń sózіnshe, “Aktıv Market” kompanııasynyń zańdy lıtsenzııasy bolmaǵandyqtan, azamattar mundaı nesıeler boıynsha paıyzdyq mólsherlemenі tóleýge mіndettі emes.
«Bul somalar tólemge jatpaıdy. Azamattar bіzge júgіnіp, kelіsіmsharttardyń jaramsyz ekenіn rastaıtyn qujat usyna alady», – dep túsіndіrdі agenttіk ókіlі.
Aıta keteıіk, buǵan deıіn agenttіk Bіryńǵaı jınaqtaýshy zeınetaqy qorynyń qarjysyn jalǵan stomatologııalyq klınıkalar arqyly jymqyrý іsі boıynsha tergeý júrgіzіp jatqanyn habarlaǵan. Atyraýda bul іske qatysy bar kúdіktіlerdіń bіrі ustaldy.
Material avtory
