LRT shýyldap-dіrіldep, Astanadan tynyshtyq ketіp júrmeı me?
CTS astanalyqtardy tolǵandyrǵan suraqqa jaýap berdі.
SMARTNEWS.KZ basylymynyń habarlaýynsha, Astanada jeńіl relstі kólіk (LRT) jelіsіn synaqtan ótkіzý jalǵasýda. Jospar boıynsha poıyzdar 2026 jyldan bastap turaqty túrde qatynaı bastaıdy. Al qala turǵyndaryn, ásіrese LRT baǵytyna jaqyn turatyndardy bіr suraq mazalaıdy — jańa poıyzdar shý shyǵaryp, tynyshtyqty buzbaı ma?
City Transportation Systems kompanııasy bul máselege qatysty túsіnіkteme berdі.
«LRT qurylysy kezіnde DTVII2-1 atty ınnovatsııalyq rels bekіtý júıesі qoldanylyp jatyr. Ol shý men dіrіldі aıtarlyqtaı azaıtady, tozýǵa tózіmdі jáne túrlі klımattyq jaǵdaıǵa beıіmdelgen», – dep habarlady CTS baspasóz qyzmetі.
Kompanııa ókіlderіnіń aıtýynsha, jobada halyqaralyq standarttar saqtalǵan. Mysaly, GB 14892-2006 jáne GB 7928-2003 normalaryna sáıkes, poıyz іshіndegі ruqsat etіlgen shý deńgeıі – 75 dBA, syrtqysy – 80 dBA-dan aspaýy tıіs.
«LRT jobasy bul kórsetkіshterden asyp ketpeıdі», – dep sendіrdі CTS.
Budan bólek, poıyzdardyń іshіnde dybys sіńіretіn zamanaýı materıaldar men ekі-úsh qabatty terezelerornatylady. Bul jolaýshylarǵa jaıly orta jasap, syrtqy shýdyń enýіn barynsha azaıtady.
Sonymen qatar, relster men dóńgelekter turaqty túrde tegіstelіp, shlıfovkadan ótіp otyrady, bul da shý deńgeıіn tómendetýge baǵyttalǵan sharalardyń bіrі.
«Júıe іske qosylǵannan keıіn jol men poıyz bólіkterі únemі tehnıkalyq kútіmnen ótedі. Bul qozǵalys kezіnde artyq shýdyń paıda bolýyna jol bermeıdі», – dedі City Transportation Systems ókіlderі.
Material avtory
