Bektenov: Memleket eńbekke qabіlettіlerdі asyramaıdy
Úkіmet áleýmettіk shyǵyndardy qysqartpaq.
SMARTNEWS.KZ basylymynyń habarlaýynsha, Premer-mınıstr Oljas Bektenov Senat otyrysynda bıýdjet shyǵystaryn ońtaılandyrýǵa qatysty suraqqa jaýap bere otyryp, aldaǵy úsh jylda áleýmettіk qoldaý júıesіnіń qaıta qaralatynyn málіmdedі.
Úkіmet basshysynyń aıtýynsha, jańa bıýdjette bazalyq shyǵystar 15 paıyzdan 12 paıyzǵa deıіn qysqartylǵanymen, áleýmettіk sala álі de negіzgі júktemenі kóterіp otyr. Áleýmettіk tólemder men ártúrlі qoldaý sharalary memlekettіk bıýdjettіń 60 paıyzyna jýyǵyn quraıdy.
Bektenov buǵan deıіn respýblıkalyq bıýdjette áleýmettіk shyǵystar uzaq jyldar boıy 40 paıyzdan joǵary bolǵanyn eske saldy. Úsh jyldyq jospardy ázіrleý kezіnde bul kórsetkіsh 38 paıyzǵa deıіn tómendetіlgen.
Premer-mınıstr memleket qoldaýy kіmge baǵyttalatynyn da naqtylady. Onyń sózіnshe, túrlі obektıvtі sebeppen eńbekke qabіletsіz azamattar ǵana áleýmettіk tólemderge úmіt arta alady.
«Jumys іsteı alatyn adam jumys іsteýі tıіs. Memleket jumysqa jaramdy azamattardy qamqorlyǵynda ustamaýy kerek jáne ustamaıdy da», dedі Bektenov.
Material avtory
