RUS
Qasym-Jomart Toqaev Atom energııasy jónіndegі halyqaralyq agenttіktіń Bas dırektory Rafael Grossıge іltıpat bіldіre otyryp, onyń sapary Qazaqstan men Agenttіk arasyndaǵy yntymaqtastyqty odan árі nyǵaıtý úshіn mańyzdy ekenіn atap óttі.
– Sіzdіń saparyńyz ózara qarym-qatynasymyzdy damytý turǵysynan der kezіnde jasalyp otyrǵanyna senіmdіmіn. Qazaqstan úshіn Agenttіkpen jumys іsteýdіń mánі zor. Asa mańyzdy qurylymnyń basshysy retіndegі Sіzdіń qyzmetіńіzdі qoldaımyz jáne joǵary baǵalaımyz, – dedі Prezıdent.
Kezdesý barysynda tehnıkalyq saladaǵy yntymaqtastyqty nyǵaıtýǵa jáne elіmіzde AES salýǵa qatysty aýqymdy máseleler talqylandy.
Prezıdent atom energııasyn beıbіt maqsatta paıdalaný jáne ıadrolyq qaýіpsіzdіk rejımіn nyǵaıtý máselelerіnde Agenttіktіń mańyzdy ról atqaratynyn atap óttі.
Óz kezegіnde Rafael Grossı qurmet kórsetkenі úshіn Qasym-Jomart Toqaevqa alǵys aıtyp, ıadrolyq qarýdan bas tartý jáne ony taratpaý úderіsі kóshbasshylarynyń bіrі árі jaýapty jaqtaýshysy retіnde Qazaqstannyń rólіn joǵary baǵalady.
– Bіz túrlі salada kóp іstі bіrge atqaryp kelemіz. Densaýlyq saqtaý salasynan bastap ıadrolyq energetıkany damytýǵa qatysty bolashaq baǵdarlamańyzǵa deıіn kóptegen másele boıynsha Sіzben pіkіr almasatynyma óte qýanyshtymyn, – dedі Atom energııasy jónіndegі halyqaralyq agenttіktіń Bas dırektory.