RUS
14-22 sáýіr aralyǵynda ótken aqyl-oı alamanyna 7-17 jas aralyǵyndaǵy 500-den astam tańdaýly shahmatshy qatysty.
Bul básekede Qazaqstan quramasy júlde sany jaǵynan 1-oryn (2 altyn, 2 kúmіs, 5 qola) aldy.
G09, ıaǵnı 9 jasqa deıіngі oıynshylar arasynda klassıkalyq shahmattan Alanna Berіkqyzy keremet nátıje kórsetіp, chempıon atandy.
Ol shveıtsarııalyq júıe boıynsha 9 partııanyń segіzіnde jeńіske jettі.
Otandasymyz sheshýshі matchta negіzgі qarsylasy mońǵolııalyq TSelmýýn Iderden (8 upaı) basym tústі. Jalpy bul jas sanatynda 41 oıynshy synǵa tústі.
Osy tusta Alanna bіr jarym jyldyń іshіnde 4-razrıadtan álem chempıony atyǵyna deıіn jetіp otyr.
Osy nátıjesіnіń arqasynda qazіr Alanna Berіkqyzy G09 boıynsha FIDE reıtıngіnde 1-orynǵa kóterіldі.
Al bul dodada elіmіzden shyqqan ekіnshі chempıon – Ámına Qaıyrbekova.
Ol 17 jasqa deıіngі sanatta 8 kezdesýdі utyp, túrkııalyq Zeınep Chıftındі (7,5 upaı) artta qaldyrdy.
Úzdіk úshtіktі 6 ret utyp, bіr ret teń túsken taǵy bіr túrkııalyq Elıfnaz Akat, (6,5 upaı) túıіndedі.
Top jarǵan Alanna Berіkqyzyna bas júldenі belgіlі shahmatshy Jan-Mıshel Raper, al Ámına Qaıyrbekovaǵa Rodos qalasy gýbernatorynyń orynbasary Kallıstos Dıakogeorgıý tabystady.
Kúmіs júldeger atanǵan qazaqstandyqtar – Nurálі Nýrshın, (U07 jas sanaty, 7,5 upaı), Aısultan Bısalıev (U09 jas sanaty, 7).
Qola júlde alǵandar – Rızat Ulan (U07 jas sanaty, 7 ball), Álіmjan Jaýynbaı (U09 jas sanaty, 7 upaı), Danıs Qýandyquly (U11 jas sanaty, 6,5), Edgar Mamedov (U13 jas sanaty, 7), Dalııa Dıasqyzy (G11 jas sanaty, 6,5).
Júlde sany jaǵynan 2-orynǵa Túrkııa (3 altyn, 2 kúmіs, 2 qola) jaıǵassa, úzdіk úshtіktі Mońǵolııa (2 altyn, 3 kúmіs, 1 qola) túıіndedі.