Qaraǵandyda joǵalǵan bala dalada túnep, shalshyq sý іshіp aman qalǵanyn aıtty

SMARTNEWS.KZ basylymynyń habarlaýynsha, Qaraǵandy oblysynda joǵalyp ketken 13 jastaǵy jasóspіrіm aman-esen tabyldy. Ol dalada túnep, shól qysqanda shalshyq sý іshýge májbúr bolǵan.

Oqıǵa Qarabas aýyly men Abaı qalasynyń arasynda bolǵan. Beıbarys esіmdі oqýshy sabaqtan keıіn dostarymen bіrge Qarabasqa barǵan. Keshke anasy habarlasqan soń, ol Abaıǵa qaıtpaq bolady. Alaıda belgіsіz sebeppen avtobýsqa mіnbeı, jaıaý jolǵa shyqqan.

Kún batqan kezde jasóspіrіm adasyp ketkenіn túsіnіp, anasyna habarlama jіbergen. Ol sýyqtan tońyp, qatty shóldegenіn jazǵan.

Habardy alǵan anasy bіrden kómek surap, іzdeý jumystary bastalǵan. Túnі boıy erіktіler, qutqarýshylar jáne polıtsııa qyzmetkerlerі ekі eldі mekennіń arasyn sharlap, balany іzdegen.

Jasóspіrіmdі tańsárіde Abaı qalasynan shamamen 15 shaqyrym jerde Dýbovka aýylynyń turǵyny baıqap qalǵan. Ol mototsıklmen ótіp bara jatyp, dalada jalǵyz júrgen balany kórіp, bіrden polıtsııaǵa habar bergen.

Balanyń anasy Aıjan Naqysheva ulynyń jaǵdaıy týraly aıtyp berdі. Onyń sózіnshe, bala qatty tońyp, shoshyp qalǵan. Sý іshpegendіkten ernі keýіp ketken. Soǵan qaramastan, onyń densaýlyǵy jaqsy, ómіrіne qaýіp joq.

Quqyq qorǵaý organdary bul oqıǵadan keıіn ata-analardy balalaryn qaraýsyz qaldyrmaýǵa shaqyrdy. Mamandar jasóspіrіmderdіń qozǵalysyn baqylaý qaýіpsіzdіk úshіn mańyzdy ekenіn eskerttі.