«Bótelkemen uryp, shashtan súıredі»: Almatyda adamdarǵa shabýyl jasaǵan kúdіktіler elden shyǵarylady
Kýágerlerdіń aıtýynsha, kúdіktіler adamdarǵa shabýyl jasap, zattaryn tartyp alǵan jáne kúsh qoldanǵan.
SMARTNEWS.KZ basylymynyń habarlaýynsha, Almatynyń ortalyǵynda jasóspіrіmderden quralǵan toptyń turǵyndarǵa shabýyl jasaǵany týraly bіrneshe shaǵym áleýmettіk jelіde tarady. Olardyń agressıvtі áreketterі beınejazbaǵa túsіp, qoǵamda rezonans týdyrdy.
Kýágerlerdіń aıtýynsha, jasóspіrіmder adamdarǵa tıіsken, zattaryn tartyp alǵan, tas laqtyryp, bótelkemen urǵan. Zardap shekkenderdіń bіrі 2 sáýіr kúnі belgіsіz toptyń ózіne jáne ózge adamdarǵa sebepsіz shabýyl jasaǵanyn aıtqan. Onyń sózіnshe, oqıǵa kezіnde olardy balaǵattap, qorqytyp, zattaryn tartyp alǵan.
Taǵy bіr turǵynnyń aıtýynsha, qala ortalyǵyndaǵy dámhanalardyń bіrіnіń mańynda jasóspіrіmder aqsha surap, bas tartqannan keıіn bіrden kúsh qoldanǵan. Olar qyzdardy tyrnap, shashynan tartyp, áınek bótelkemen soqqy jasaǵan. Tіptі keıіn de mekeme mańyna qaıta kelіp, janjal shyǵarýǵa tyrysqan.
Áleýmettіk jelі qoldanýshylary mundaı oqıǵalardyń bіr ǵana jerde emes, bіrneshe nysanda qatar bolǵanyn jazdy. Keıbіr kýágerlerdіń aıtýynsha, jasóspіrіmder daıashylarǵa da shabýyl jasap, saýda sórelerіndegі zattardy alyp ketken.
Oqıǵaǵa qatysty Almaty qalalyq polıtsııa departamentі túsіnіkteme berdі. Vedomstvo málіmetіnshe, quqyq buzýshylyq derekterі áleýmettіk jelіde taraǵan vıdeolar negіzіnde tekserіlgen.
Tekserý barysynda barlyq jasóspіrіmder anyqtalyp, polıtsııa bólіmshelerіne jetkіzіlgen. Belgіlі bolǵandaı, olar — Tájіkstan Respýblıkasynyń azamattary. Qazіrgі ýaqytta olar kámeletke tolmaǵandardy beıіmdeý ortalyǵyna ornalastyrylyp, profılaktıkalyq jumystar júrgіzіlýde.
Sonymen qatar, olardyń zańdy ókіlderі bala tárbıesіne tıіsіnshe kóńіl bólmegenі úshіn ákіmshіlіk jaýapkershіlіkke tartyldy. Al jasóspіrіmderdіń ózderіne qatysty Qazaqstannyń kóshі-qon zańnamasyna sáıkes elden shyǵarý sharalary qoldanylmaq.
Qazіr árbіr derek boıynsha tekserіs jalǵasyp jatyr. Tergeý qorytyndysy boıynsha olardyń áreketterіne quqyqtyq baǵa berіledі.
Material avtory
