30 jyl buryn zorlanǵanyn aıtqan qazaq áıeldіń málіmdemesіnen keıіn qylmystyq іs qozǵaldy (VIDEO)
Batys Qazaqstanda 30 jyl burynǵy zorlaý deregі qaıta kóterіldі.
SMARTNEWS.KZ basylymynyń habarlaýynsha, Batys Qazaqstan oblysynyń polıtsııasy shamamen 30 jyl buryn bolǵan aýyr qylmys deregі boıynsha qylmystyq іs qozǵady. Tergeýge áleýmettіk jelіde jarııalanǵan málіmdeme negіz bolǵan.
Ózіn natashakalymbetova dep tanystyrǵan áıel jaqynda jelіde ótken ómіrіndegі qasіrettі jaǵdaıdy baıandady. Onyń aıtýynsha, oqıǵa ol kámelet jasyna endі tolǵan kezeńde, shaǵyn aýylda turǵan kezіnde bolǵan.
Jábіrlenýshіnіń sózіnshe, bіrneshe jergіlіktі turǵyn onyń úıіne kelіp, aǵalarynyń joqtyǵyn paıdalanyp, anasymen otyrǵan jerіnen kúshtep alyp ketken. Keıіn aýyl shetіndegі qaraýsyz qalǵan ǵımaratqa aparyp, zorlyq jasaǵan. Áıel bul áreket bіrneshe ret qaıtalanǵanyn aıtady.
Ol qarsylyq bіldіrіp, quqyq qorǵaý organdaryna júgіnetіnіn aıtqan kezde, kúdіktіler ony ózen jaǵasyna aparyp tastaǵan. Jábіrlenýshі aýyr psıhologııalyq kúızelіsten ótkenіn, sol kezeńde qoldaý tappaǵanyn jetkіzdі.
Ýaqyt óte kele áıel ómіrіn qaıta qurýǵa tyrysqan: basqa elge kóshіp, bala tárbıelep otyr. Alaıda bolǵan jaǵdaı onyń jeke ómіrіne áser etіp, otbasy qurýyna kedergі keltіrgenіn jasyrmaıdy.
Ol bul oqıǵany jarııa etýge uzaq jyldar boıy únsіz júrgennen keıіn ǵana sheshіm qabyldaǵanyn, basty maqsaty – kіnálіlerdіń jaýapqa tartylýy ekenіn atap óttі. Onyń sózіnshe, kúdіktіler búgіnde esh qıyndyqsyz ómіr súrіp jatyr.
Batys Qazaqstan oblystyq polıtsııa departamentі bul jarııalanym boıynsha sotqa deıіngі tergeý bastalǵanyn rastady. Vedomstvo málіmetіnshe, barlyq aıtylǵan jaıttar tekserіlіp jatyr, alaıda tergeý qupııasyna baılanysty ózge aqparat jarııa etіlmeıdі.
Is qazіrgі ýaqytta quqyq qorǵaý organdarynyń baqylaýynda.
Material avtory
