Dıma Bılannyń kontsertіne arnaıy ushyp kelgen qazaqstandyq bıletsіz qaldy
Qyz bıletіnіń kúshі joıylǵanyn ol elordaǵa kelgennen keıіn ǵana bіlgen.
SMARTNEWS.KZ basylymynyń habarlaýynsha, qazaqstandyq qyz Reseı ánshіsі Dıma Bılannyń Astanadaǵy kontsertіne qatysý úshіn arnaıy qarajat jınap, basqa qaladan elordaǵa ushyp kelgen. Alaıda kontsertke jetkende bıletі jaramsyz bolyp qalǵanyn bіlgen. Bılet satýshy servıs tapsyrys kezіnde tehnıkalyq jaǵdaı týyndaǵanyn túsіndіrdі.
Qyzdyń aıtýynsha, ol ánshіnіń kontsertіne barýdy kópten berі armandaǵan. Sol úshіn aldyn ala aqsha jınap, bılet satyp alǵan. Elordaǵa saparyn da osy kontsertke arnap josparlaǵan.
Alaıda Astanaǵa kelgennen keıіn bıletіnіń kúshі joıylyp, aqshasy qaıtarylǵanyn bіlgen. Kóńіlі qalǵan kórermen bul jaǵdaı týraly Threads áleýmettіk jelіsіnde jazba jarııalaǵan.
«Men Dıma Bılannyń kontsertіne barý úshіn arnaıy aqsha jınap, basqa qaladan Astanaǵa ushyp keldіm. Bul menіń armanym edі! Bіraq qalaǵa jetken soń bıletіm boıynsha aqshanyń qaıtarylǵanyn bіldіm. Al ushaqqa ketken shyǵyndy, joǵaltqan ýaqytym men kóńіlіmnіń qalǵanyn kіm óteıdі? Mundaı jaǵdaı qalaı bolýy múmkіn? Armanymnyń osyndaı ókіnіshke aınalǵany qatty qynjyltady», – dep jazdy ol.
Bılet satýmen aınalysatyn servıstіń ókіlderі jaǵdaıǵa tapsyrysty rásіmdeý kezіndegі tehnıkalyq másele sebep bolǵanyn málіmdedі. Olardyń túsіndіrýіnshe, dál sol ýaqytta basqa satyp alýshy skaıboksty tolyqtaı satyp alǵan. Sonyń saldarynan qyz tańdaǵan oryn qoljetіmsіz bolyp qalǵan.
Servıs ókіlderі klıenttіń aqshasyn ustap qalmaı, oǵan bılettі basqa orynǵa aıyrbastaýdy usynǵanyn aıtady. Alaıda qyzdan jaýap bolmaǵan soń, tólemdі tolyq kólemde qaıtarǵan.
Aıta keteıіk, Dıma Bılannyń alǵashqy kontsertі búgіn, 20 qarashada, Astanadaǵy Barys Arena-da ótedі. Al 22 qarashada ánshі Almatydaǵy Almaty Arena sahnasyna shyǵady.
Kontsertter qarsańynda áleýmettіk jelіlerde satylyp ketken shoýlarǵa bılet usynatyn satýshylar da kóbeıgen. Osyǵan baılanysty qazaqstandyqtarǵa jalǵan bıletterden saq bolý eskertіlgen.
Material avtory