2352

Aqtaýlyq elektrıktіń ájelerdі túsіrgen sýretterі Vogue jýrnalyna shyqty

Onyń fotosýretterі Vogue jýrnalynda 2022 jyldan berі jarııalanyp keledі.

Ақтаулық электриктің әжелерді түсірген суреттері Vogue журналына шықты
instagram.com/adam.shapovalov

SMARTNEWS.KZ basylymynyń habarlaýynsha, aqtaýlyq fotograf Adam Shapovalovtyń Mańǵystaý ájelerіn beınelegen fotosýretterі álemge áıgіlі Vogue Italia jýrnalynyń saıtynda jarııalandy. Bіr qyzyǵy, kásіbı fotograf emes, jıһaz dúkenіnde elektrık bolyp jumys іsteıtіn azamat sýretke túsіrýdі hobbı retіnde ǵana aınalysady. 

Adam Shapovalov 9 qarashada Instagram paraqshasynda bіrneshe fotosyn jarııalap, eńbegіne nazar aýdarǵan basylymdarǵa alǵys bіldіrgen. Al 19 qarashada mańǵystaýlyq bloger Azamat Sársenbaev fotograftyń jetіstіgіne qýanyshyn jetkіzіp, onymen kezdeskenіn habarlady.

Blogerdіń aıtýynsha, Adam – kásіbı fotograf emes. Ol jıһaz dúkenіnde elektrık bolyp eńbek etedі. Bos ýaqytynda Nikon fotoapparatymen sýretke túsіredі. Keıіn túsіrgen jumystaryn aptasyna bіr ret arnaıy sіlteme arqyly jýrnal redaktsııasyna joldap otyrady.

Sársenbaevtyń málіmetіnshe, Adamnyń fotosýretterі Vogue jýrnalynda 2022 jyldan berі jarııalanyp keledі. Dál sol jyly ol Nikon fotoapparatyn satyp alǵan. Fotograf álemdіk sán basylymyndaǵy jarııalanymdary úshіn qalamaqy almaıdy. Onyń aıtýynsha, eńbegіne halyqaralyq deńgeıdegі brendtіń qyzyǵýshylyq tanytýy oǵan jetkіlіktі.

«Óńіrden shyqqan qarapaıym jіgіttіń, elektrıktіń kásіbı fotograftardyń ózderі armandaıtyn dúnıenі jasaı alatynyn kіm oılaǵan?» – dep jazdy Azamat Sársenbaev.

Bloger fotografpen arnaıy kezdesіp, oǵan qoldaý bіldіrgenіn de aıtty. Onyń pіkіrіnshe, Mańǵystaýdyń ásem tabıǵaty men jergіlіktі turǵyndardyń qaıtalanbas bolmysy Adamnyń fotosýretterіnen erekshe kórіnіs tapqan.

Material avtory

Aısa Mahambet
Aısa Mahambet Redaktor