Almatyda tanymal ánshіnіń uly ólі kúıіnde tabyldy.
Naýryz aıynda іz-túzsіz joǵalyp ketken Baır Sıqymbaevtyń máıіtі tabyldy.
SMARTNEWS.KZ basylymynyń habarlaýynsha, 24 naýryzda Almatydaǵy úıіnen shyǵyp, qaıta oralmaǵan Baır Sıqymbaevtyń máıіtі tabyldy. Bul týraly jýrnalıst Jazıra Begaly áleýmettіk jelіdegі paraqshasynda habarlady.
«Tanymal ánshі, Qazaqstannyń Eńbek sіńіrgen ártіsі Gúlnar Sıqymbaevanyń jalǵyz uly Baır Sıqymbaevtyń máıіtі tabyldy. Marqumnyń qaıtys bolý sebebі ázіrge belgіsіz», – dep jazdy ol.
Baırdyń joǵalý faktіsі boıynsha Medeý aýdandyq polıtsııa basqarmasy іzdestіrý jumystaryn júrgіzgen. 24 naýryz kúnі shamamen saǵat 13:20-da Kopernık kóshesіndegі úıіnen shyqqan Baırdan sol kúnnen bastap habar bolmaǵan. Onyń boıy 180–185 sm shamasynda, aryq denelі, qysqa qara shashty jáne qońyr kózdі bolǵan. Ústіnde qara sporttyq kıіm bolǵan.
Bul jaǵdaıǵa baılanysty Almaty qalasy polıtsııa departamentі resmı tekserý júrgіzіp, іzdestіrý jumystarynyń keshendі josparyn іske qosqan. Qazіrgі ýaqytta marqumnyń qaıtys bolý sebepterі tergeý barysynda anyqtalyp jatyr.
Eske salsaq, 2024 jylǵy qazanda Gúlnar Sıqymbaeva ómіrden ótken edі. Ol «Gúlder» ansamblіnіń solısі retіnde tanymal bolǵan.
Material avtory
