Atyraý – Almaty reısіndegі dúrbeleń: Bortta polıtsııa tekserіs júrgіzgen
Atyraý áýejaıynda Almatyǵa ushatyn reıs jolaýshylary kútpegen jaǵdaıǵa tap boldy.
SMARTNEWS.KZ basylymynyń habarlaýynsha, Atyraý áýejaıynda Almatyǵa baǵyttalǵan reıs jolaýshylary kútpegen jaǵdaıdyń kýásі boldy. Ushaqqa qarýly polıtsııa qyzmetkerlerі kelіp, ushýdyń ýaqytsha keshіgýіne sebep bolǵan.
Áýe kemesіnіń іshіnen túsіrіlgen beınejazba áleýmettіk jelіlerde tez tarady. Kadrlarda bortserіk jolaýshylardy sabyr saqtaýǵa shaqyryp, «polıtsııanyń qatysýymen qaıta tekserý júrgіzіletіnіn» habarlaıdy. Tereze syrtynda avtomat asynǵan quqyq qorǵaý qyzmetkerlerі baıqalǵan.
Alaıda jelі qoldanýshylary aıtqandaı, ushaq іshіnde tіntý júrgіzіlgen joq. Kólіktegі polıtsııa departamentі bul boljamdy joqqa shyǵardy.
Vedomstvonyń málіmetіnshe, 6 sáýіr kúnі atalǵan reıske otyrǵyzý kezіnde 51 jastaǵy er adam borttan túsіrіlgen. Ol mas kúıde bolǵan.
Tártіp buzǵan azamat áýejaıdaǵy polıtsııa bólіmіne jetkіzіlіp, qoǵamdyq orynda mas kúıde júrgenі úshіn ákіmshіlіk jaýapkershіlіkke tartylǵan.
Qarýly qyzmetkerlerdіń kelýі áýejaıdaǵy qaýіpsіzdіk sharalarynyń kúsheıtіlgen tártіbіmen baılanysty ekenі túsіndіrіldі. Jolaýshy túsіrіlgennen keıіn ushaq belgіlengen baǵytqa ushyp ketken.
Material avtory
