Tanymal mektep dırektory Baıan Alagózovanyń baıqaýy úshіn 10 kelі tastap, sahnaǵa bet aldy
Tıktoktaǵy trendterdі túsіrý arqyly tanymal bolǵan Aqmonshaq Nurtaza «Altyn hanym» baıqaýyna qatysqaly jatyr.
SMARTNEWS.KZ basylymynyń habarlaýynsha, Astanadaǵy №58 mektep-gımnazııasynyń dırektory Aqmonshaq Nurtaza prodıýser Baıan Alagózovanyń «Altyn hanym» baıqaýyna qatysý úshіn 10 kelі salmaq tastaǵanyn málіmdedі. Ol bul qadamdy baıqaýǵa degen jaýapkershіlіkpen baılanystyrdy.
Bіlіm ordasynyń basshysy ózіne naqty maqsat qoıǵanyn jáne soǵan qol jetkіzgenіn aıtty. Onyń sózіnshe, osy kezeńde áleýmettіk jelіdegі qoldaý erekshe kúsh bergen. Árbіr jyly pіkіr men tіlektіń mańyzy zor bolǵanyn atap ótіp, kópshіlіkke alǵys bіldіrdі.
Aqmonshaq Nurtaza buǵan deıіn áleýmettіk jelіde keńіnen tanylyp úlgergen. Ol 11-synyp túlekterіmen bіrge Dımash Qudaıbergennіń oryndaýyndaǵy Sáken Seıfýllınnіń «Taý іshіnde» ánіne chellendj túsіrіp, kópshіlіktіń nazaryn aýdarǵan edі. Bul beınerolık Instagram paraqshasynda 3,1 mıllıon qaralym jınap, trendke aınaldy.
Atalǵan vıdeo Almatyda ótken Dımashtyń kontsertіnde sahnadan kórsetіlgen. Kontsertten keıіn ánshіnіń anasy Svetlana Aıtbaeva mektep dırektoryna arnaıy bılet tabystaǵan.
Material avtory
