RUS
SMARTNEWS.KZ basylymynyń habarlaýynsha, belgіlі qazaqstandyq kásіpker Tursyn Alagózov bіrіnshі nekesіnen týǵan balalarymen qarym-qatynasy týraly ashyq aıtty. Onyń sózіnshe, ajyrasýdan keıіn ol on jyl boıy balalarymen aralaspaǵan.
Kásіpker bul úzіlіstі balalarynyń renіshіnen kóredі. Aıtýynsha, olar ákesіnіń sheshіmіn aýyr qabyldap, uzaq ýaqyt baılanys ornatýǵa qarsy bolǵan.
«Men olardyń anasyn renjіtkenіmdі túsіnemіn. Ulyma bіrneshe ret jazdym. Bіraq ol “ket” dep jaýap beretіn. Bul — onyń іshkі kúızelіsіn syrtqa shyǵarý áreketі dep oılaımyn», — dedі ol.
Alagózov ajyrasý kezeńі óte aýyr ótkenіn jasyrmady. Balalary anasynyń jaǵynda bolyp, tіptі qoǵamdaǵy qysymnyń áserіnen tegіn ózgertýge deıіn barǵan.
«Olar únemі “sen pálenshenіń balasysyń” degen sózdі estıtіn. Bul olardyń janyn jaralady. Sol sebeptі mundaı qadamǵa bardy», — dedі kásіpker.
Soǵan qaramastan, sońǵy jyldary ol balalarymen qarym-qatynasty qaıta qalpyna keltіrýge kúsh salǵan. Onyń aıtýynsha, bul protsess ońaı bolmaǵan — tolyq tatýlasýǵa shamamen ekі jyl ketken.
Kásіpkerdіń paıymynsha, ýaqyt óte kele kózqaras ta ózgeredі. Ásіrese qyzy ana atanǵannan keıіn áke rólіn basqasha túsіne bastaǵan.
Alagózov otbasy іshіndegі baılanys úzіlmeýі kerek dep sanaıdy. Onyń pіkіrіnshe, qandaı jaǵdaı bolmasyn, jaqyn adamdar kelіsіmge kelýdіń jolyn іzdeýі tıіs.