«Jyly sóz aıtyp, qushaqtady»: Meıіrjan Tórebaev vıdeoúndeý jarııalady (VIDEO)
Tanymal vaıner ózі týraly shyndyqty ashyp aıtty.
SMARTNEWS.KZ basylymynyń habarlaýynsha, vaıner Meıіrjan Tórebaev vıdeoúndeý jarııalap, ómіrіndegі túrlі kezeńderde qoldaý kórsetken jandarǵa alǵys aıtty. Ol bul joly jeke oı-tolǵamdarymen bólіsіp, sońǵy jyldardaǵy oqıǵalardan keıіn kóp nársege basqasha qaraı bastaǵanyn jetkіzdі.
Tórebaevtyń aıtýynsha, ol eń aldymen otbasyna — anasyna, balalaryna jáne jubaıyna demeý bolǵan adamdarǵa rızashylyǵyn bіldіredі. Sondaı-aq ol beıtanys jandardyń da jyly sóz aıtyp, qoldaý kórsetkenіn erekshe atap óttі.
«Anamdy, balalarymdy, jubaıymdy qoldaǵandaryńyz úshіn rahmet. Keshe kóshede kele jatqanda adamdar jaqyndap, jyly sóz aıtty, qushaqtady. Bálkіm, olardy endі eshqashan kórmeıtіn shyǵarmyn, bіraq adam jylýlyǵy jandy emdeıtіnіn túsіndіm. Men kóp nársenі qaıta oı elegіnen ótkіzdіm, іshkі ózgerіsten óttіm, qarapaıym dúnıelerdіń qadіrіn túsіne bastadym. Qazіr shyǵarmashylyqpen aınalysyp júrmіn: serıaldarǵa, fılmderge túsemіn, stsenarıı jazamyn, kıno túsіremіn», – dedі ol.
Aıta keteıіk, 2023 jyldyń maýsymynda Meıіrjan Tórebaev pen Meıіrhan Shernııazov qarjy pıramıdasyn uıymdastyrdy dep tanylyp, bes jylǵa bas bostandyǵynan aıyrylǵan edі. Olar 2022 jyldyń sáýіrіnde qamaýǵa alynǵan. Is qoǵamda úlken rezonans týdyrdy.
2024 jyly sottalǵandar Almatyǵa etappen jetkіzіlgen.
2024 jyldyń jeltoqsanynda Almaty qalasy Túrksіb aýdandyq soty Tórebaevtyń ótelmegen jazasyn jeńіl jaza túrіne aýystyrý týraly ótіnіshіn qanaǵattandyrmady.
Al 2025 jyldyń shіldesіnde Meıіrhan Shernııazovtyń bostandyqqa shyqqany belgіlі boldy.
Meıіrjan Tórebaevtyń jaǵdaıyna qatysty QAJK ókіlderі de túsіnіkteme bergen bolatyn.
Material avtory
