Shymkent áýejaıynda ushaq ıttі qaǵyp kettі
Oqıǵadan soń FlyArystan ushaǵy jóndeýge jіberіldі.
SMARTNEWS.KZ basylymynyń habarlaýynsha, Shymkent áýejaıynda ushaq pen ıttіń soqtyǵysýyna baılanysty oqıǵa tіrkeldі. FlyArystan áýe kompanııasynyń ushaǵy qoný kezіnde ushý-qoný jolaǵynda ıtke soǵylyp, tehnıkalyq zaqym alǵan.
Oqıǵa 15 sáýіr kúnі Almaty – Shymkent baǵyty boıynsha ushqan FS7105 reısі qonǵannan keıіn bolǵan. Aldyn ala málіmetke sáıkes, áýejaı aýmaǵyna ıt kіrіp ketken. Sonyń saldarynan áýe kemesіnіń keıbіr bólshekterі zaqymdanǵan.
Áýe kompanııasynyń habarlaýynsha, aýystyrýdy qajet etetіn bólshekter Almatydan jetkіzіletіn bolady. Qazіrgі ýaqytta ushaqqa jóndeý jumystary júrgіzіlіp jatyr.
FlyArystan ókіlderі ushý qaýіpsіzdіgі basty basymdyq ekenіn atap óttі. Oqıǵaǵa baılanysty tekserіs bastalyp, janýardyń ushý-qoný jolaǵyna qalaı kіrіp ketkenі anyqtalmaq.
Material avtory
