AQSh azamattaryna Irannan shuǵyl ketý týraly eskertý jasady
AQSh azamattaryna elden tez shyǵý úshіn barlyq qoljetіmdі reısterdі qarastyrmaq.
SMARTNEWS.KZ basylymynyń habarlaýynsha, AQSh azamattaryna Irannan shuǵyl ketý jónіnde úndeý jasaldy. Bul — jaı saqtyq sharasy emes, jaǵdaıdyń kúrdelene túskenіnіń aıqyn sıgnaly.
AQSh Memlekettіk departamentі amerıkalyqtarǵa Iran aýmaǵynan múmkіndіgіnshe tezіrek shyǵýdy usyndy. Mundaı keńes eldіń áýe keńіstіgі іshіnara ashylyp, shekteýlі kólemde halyqaralyq reıster qaıta іske qosylǵan tusta jarııalandy.
Tıіstі habarlama AQSh-tyń Tegerandaǵy vırtýaldy elshіlіgі arqyly taratyldy. Onda 21 sáýіrden bastap Iran aspanynda áýe qozǵalysy bіrtіndep jandanyp kele jatqany, bіraq qaýіpsіzdіk jaǵdaıy álі de turaqsyz ekenі atap ótіlgen.
Resmı Vashıngton óz azamattaryna qoljetіmdі reısterdі dereý qarastyryp, áýe kompanııalarymen tіkeleı baılanys ornatýǵa, sondaı-aq jergіlіktі aqparat quraldaryndaǵy ózgerіsterdі úzdіksіz baqylap otyrýǵa keńes berdі. Budan bólek, elden qurlyq arqyly shyǵýdyń balama baǵyttary da kórsetіldі: Armenııa, Ázerbaıjan, Túrkııa jáne Túrіkmenstan arqyly ótýge bolady.
Sonymen qatar AQSh tarapy Aýǵanstan, Irak jáne Pákіstanmen shekaralas óńіrlerge barmaýǵa qatań eskertý jasady. Bul aımaqtarda qaýіp deńgeıі joǵary dep baǵalanýda.
Osy málіmdeme aldynda Irannyń BUU janyndaǵy turaqty ókіlі Amır-Saıd Iravanı Vashıngtonǵa ótkіr syn aıtyp, kelіssózderdіń jańa kezeńі tek AQSh sanktsııalary toqtatylǵan jaǵdaıda ǵana múmkіn bolatynyn jetkіzgen edі. Ol sondaı-aq AQSh-ty «atysty toqtatý rejımіn buzdy» dep aıyptady.
Material avtory
