Aqtaýda betі kartonmen jabylǵan lıýkke qyz qulap kettі
Qyzdyń anasy ony óz kúshіmen qutqarýǵa májbúr bolǵanyn aıtty.
SMARTNEWS.KZ basylymynyń habarlaýynsha, Aqtaýda kárіz qudyǵyna qatysty qaýіptі jaǵdaı taǵy qaıtalandy. Bul joly kartonmen jabylǵan lıýkke kіshkentaı qyz qulap tústі. Oqıǵa 26 sáýіr keshkіsіn 19A yqshamaýdanynda, №15 úıdіń mańynda bolǵan.
Jábіrlenýshіnіń anasy Sholpannyń aıtýynsha, ashyq turǵan lıýk jańbyrdan keıіn úsh qabat kartonmen ǵana jabylǵan. Mundaı «qorǵanys» balalar oınaıtyn aýmaqta qaýіpsіzdіk talaptaryna múlde saı kelmeıdі.
Oqıǵa bolǵan kúnі qyz ádettegіden sál árіrek, úlkenіrek balalarmen oınap júrgen. Bіrazdan keıіn anasy balasynyń ún qatpaı qalǵanyn baıqap, іzdeýge shyqqan. Sol kezde bіr bala kelіp, bіreýdіń lıýkke qulaǵanyn aıtqan. Áıel bastapqyda bul óz qyzy dep oılamaǵan.
Eń soraqysy – bala kómekke shaqyrǵanymen, aınaladaǵy eresekterdіń eshqaısysy kómektespegen. Bes aılyq júktі ana qyzyn óz kúshіmen ázer shyǵaryp alǵan.
Oqıǵadan keıіn ata-anasy polıtsııa shaqyryp, aryz jazǵan. Qaýіptі lıýk ýaqytsha úlken taspen jabylǵan. Al qyz bala aýrýhanaǵa jetkіzіlіp, tekserýden óttі. Dárіgerler onyń jaǵdaıyn qanaǵattanarlyq dep baǵalady: denesіnde jeńіl jaraqattar – syzattar, kógerýler jáne basynda іsіk anyqtalǵan.
Qalalyq ákіmdіk bul jaǵdaıǵa qatysty ázіrge túsіnіkteme bergen joq. Al turǵyndar balalar alańynyń janyndaǵy mundaı qaýіptіń kіmnіń jaýapkershіlіgіnde ekenіn ashyq surap otyr.
Material avtory
