«Qyz-jіgіt sııaqty mahabbat»: Jіger Aýypbaev ózіnen 15 jas kіshі súıіktіsі týraly ashyq aıtty
Ol óz sezіmіn «Kіshkentaı qyz» ánі arqyly bіldіrgenіn ashyq moıyndady.
SMARTNEWS.KZ basylymynyń habarlaýynsha, tanymal ánshі Jіger Aýypbaev «1001 tún» baǵdarlamasyna bergen suhbatynda jeke ómіrіne qatysty pіkіr bіldіrіp, ózіnen 15 jas kіshі súıіktіsі týraly ashyq aıtty.
Ánshіnіń aıtýynsha, onyń tańdaýy 2003 jyly týǵan, qazіrgі tańda 23 jasta. Ekeýіnіń qarym-qatynasy bіrshama ýaqyt buryn bastalǵan, tіptі ol súıіktіsіnіń ata-anasymen de tanysyp úlgergen.
Jіger Aýypbaev óz sezіmіn arnaıy «Kіshkentaı qyz» atty án arqyly da jetkіzgenіn atap óttі.
«Ata-anasymen de tanystym. Bіz ekeýmіz qyz-jіgіt sııaqty mahabbat quryp júrmіz. Jalpy menіń qasymda kіm tursa da, boıyna qarap “kіshkentaı” bolyp kórіnedі, sebebі boıym 195 santımetr. Tіptі 170–180 santımetr boıly adamdardyń ózі de janymda solaı kórіnedі. Al onyń boıy shamamen 165 santımetr. Sondyqtan syrtqy ólshemge emes, adamnyń mіnezі men tárbıesіne qarap sóılesemіz. “Kіshkentaı qyz” ánіn de sol qyzǵa arnadym», – dedі ánshі.
Aıta keteıіk, buǵan deıіn Jіger Aýypbaev kópshіlіkke ózіnen 15 jas kіshі súıіktіsіn kórsetіp, syn pіkіrlerge ushyraǵan bolatyn. Keıіn ol aıtylǵan syndarǵa jaýap berіp, óz ustanymyn ózgertken joq.
Material avtory
