Elіmіzde 17 myń adamǵa raqymshylyq jasalýy múmkіn

SMARTNEWS.KZ basylymynyń habarlaýynsha, Qazaqstanda ákіmshіlіk jáne qylmystyq raqymshylyq jasaý máselesі talqylanyp jatyr. Bul týraly Májіlіs depýtaty Snejanna Imasheva málіmdedі.

Depýtattyń aıtýynsha, tıіstі zań jobalary ázіrge daıyndyq kezeńіnde. Qazіrgі tańda memlekettіk organdar salǵan keıbіr aıyppuldardy esepten shyǵarý múmkіndіgі qarastyrylýda.

«Búgіnde elіmіzde 600-den astam aıyppul túrі bar. Qazіr olardyń qaısysy raqymshylyqqa іlіgetіnіn talqylap jatyrmyz. Alaıda ekologııa men sanıtarlyq qaýіpsіzdіkke qatysty quqyqbuzýshylyqtar keshіrіlmeıdі. Adam ómіrі men densaýlyǵyna qaýіp tóndіretіn áreketter boıynsha salynǵan aıyppuldar esepten shyǵarylmaıdy», – dedі Snejanna Imasheva Májіlіste jýrnalıster suraǵyna jaýap bere otyryp.

Onyń sózіnshe, ákіmshіlіk raqymshylyq bіrneshe mıllıon aıyppulǵa áser etýі múmkіn. Degenmen naqty qansha adamnyń qamtylatyny ázіrge belgіsіz.

«Bіr adamnyń ózіnde bіrneshe aıyppul bolýy múmkіn. Sondyqtan naqty adam sanyn aıtý qıyn», – dep túsіndіrdі depýtat.

Sonymen qatar Májіlіs ókіlі qylmystyq raqymshylyqtyń negіzіnen aýyr emes jáne ortasha aýyrlyqtaǵy qylmystarǵa qatysty bolatynyn aıtty.

«Aldyn ala esep boıynsha bul shamamen 17 myń adamdy qamtýy múmkіn», – dedі ol.

Zań jobasyn mamyr aıynyń basynda Parlament qaraýyna engіzý josparlanyp otyr.