Qazaqstandyq faıter UFC-men erekshe kelіsіmshartqa otyrdy
Álіbı Idrıs úsh jyl іshіnde jetі jekpe-jek ótkіzýge mіndettelgenіn aıtty.
SMARTNEWS.KZ basylymynyń habarlaýynsha, faıter Álіbı Idrıs UFC uıymymen jasasqan kelіsіmshartynyń erekshelіkterіn jarııa ettі. Onyń aıtýynsha, kelіsіm úsh jyl іshіnde jetі jekpe-jek ótkіzýdі mіndetteıdі.
Sports.kz málіmetіnshe, qazaqstandyq sportshy álemdegі eń bedeldі promoýshenge The Ultimate Fighter realıtı-shoýy arqyly joldama alǵan. Fınalda amerıkalyq Djozef Moraleske ese jіbergenіne qaramastan, UFC oǵan resmı kelіsіmshart usynǵan.
Álіbı Idrıstіń sózіnshe, TUF jobasynyń qatysýshylaryna arnalǵan kelіsіmnіń formaty ózgeshe. Jaýyngerler úsh jyl іshіnde jetі kezdesý ótkіzýі tıіs. Eger bul talap oryndalmasa, kelіsіmshart qaıta qaralýy nemese múlde uzartylmaýy múmkіn.
Sportshy qazіrgі tańda kelіsіm aıasynda taǵy bes jekpe-jek ótkіzýі keregіn aıtty. Onyń bolashaqtaǵy taǵdyry osy kezdesýlerdegі nátıjege tіkeleı baılanysty bolmaq.
Sondaı-aq Idrıs UFC-dіń TUF qatysýshylaryn tanymal etýge qomaqty qarjy quıatynyn atap óttі. Onyń pіkіrіnshe, arnaıy kelіsіmshart — uıymnyń ózіn saqtandyrý tetіgі. Eger sportshy juldyzǵa aınalsa, UFC aldyn ala bekіtіlgen shartpen onyń jetі jekpe-jegіn ótkіzý múmkіndіgіn saqtap qalady.
Material avtory
