«Mne stydno» shoýy tóńіregіndegі daý: Belgіlі reper synnyń astynda qaldy

SMARTNEWS.KZ basylymynyń habarlaýynsha, qazaqstandyq ınternet keńіstіgіnde jaryq kórmegen «Mne stydno» shoýynyń bіr epızodyna qatysty qyzý talqylaý júrіp jatyr. Joba álі efırge shyqpaǵanymen, onyń mazmuny áleýmettіk jelіde úlken rezonans týdyrdy.

Daýǵa sebep bolǵan jazba Threads platformasynda jarııalanǵan. Onda komık Zarına Baıbolova túsіrіlіm barysyndaǵy jaǵdaıdy sıpattap, baǵdarlamanyń qonaǵy reper De Lacure (shyn aty — Anýar Baımuhaev) bolǵanyn aıtqan.

Shoýdyń formaty boıynsha qatysýshylar óz ómіrіndegі yńǵaısyz, uıatty oqıǵalardy áńgіmeleıdі. Alaıda jelіde taraǵan málіmetke qaraǵanda, bul jolǵy aıtylǵan oqıǵa qarapaıym «uıat jaǵdaıdyń» shegіnen áldeqaıda aýyr sıpat alǵan.

Jazbada keltіrіlgen nusqa boıynsha, reper dostarymen serýendep júrgen kezde kómek suraǵan áıeldі baıqaıdy. Onyń aıtýynsha, olar áıelge kómektesýge kіrіsіp, jaǵdaıyn retteýge tyrysqan.

Ary qaraı, talqylaýlarǵa sáıkes, dostarynyń bіrі basqalaryn syrtqa shyǵaryp jіberіp, kómektі ózі jalǵastyratynyn aıtqan. Osydan keıіn jelіde taraǵan pіkіrlerde áıelge qatysty aýyr quqyq buzýshylyq oryn alǵany jónіnde boljam aıtylady, al syrtta qalǵandar jaǵdaıdyń ne bolyp jatqanyn bіlgen delіnedі.

Osy tus áleýmettіk jelі qoldanýshylarynyń qatty reaktsııasyn týdyrdy. Kópshіlіk mundaı áńgіmenі oıyn-saýyq formatyndaǵy shoýda kórsetýge bolmaıtynyn aıtyp, oqıǵanyń mazmunyna alańdaýshylyq bіldіrdі.

Pіkіr bіldіrýshіlerdіń bіr bólіgі reperdіń ózіne jáne jobanyń qatysýshysy Zarına Baıbolovaǵa syn aıtty. Olardyń pіkіrіnshe, mundaı sıpattaǵy áńgіmelerdі jeńіl kontent retіnde usyný durys emes.

Sonymen qatar jelіde bul jaǵdaıǵa quqyq qorǵaý organdarynyń nazar aýdara ma degen suraq jıі kóterіlýde.

Qazіrgі tańda atalǵan oqıǵa boıynsha resmı organdardan túsіnіkteme berіlgen joq. Sondaı-aq ınternette taraǵan málіmetterge baılanysty aryz túskenі-túspegenі de belgіsіz kúıіnde qalyp otyr.