Temіrtaýda jalańash júrgen áıel jurtty dúrlіktіrdі
Polıtsııa oqıǵa ornyna jedel jetіp, turǵyndy bólіmshege jetkіzgen.
SMARTNEWS.KZ basylymynyń habarlaýynsha, Temіrtaýda Respýblıka dańǵylynyń boıynda jalańash kúıde júrgen áıel jurttyń jaǵasyn ustatty. Oqıǵa 8 mamyr kúnі kúndіz tіrkelіp, polıtsııanyń shuǵyl aralasýyna sebep boldy.
Kýágerlerdіń aıtýynsha, shamamen 27 jastaǵy jergіlіktі turǵyn qaladaǵy ortalyq kóshelerdіń bіrіnde esh kıіmsіz júrgen. Onyń áreketі áleýmettіk jelіlerde áp-sátte tarap, turǵyndar arasynda qyzý talqyǵa tústі.
Oqıǵa ornyna patrýldіk polıtsııa qyzmetkerlerі jetіp, áıeldі bólіmshege alyp ketken. Keıіn medıtsınalyq saraptama onyń psıhotroptyq zattardyń áserіnde bolǵanyn kórsettі.
Turǵyndardyń sózіnshe, áıel tek qoǵamdyq tártіptі buzyp qana qoımaı, baǵdarshamnyń qyzyl túsіne ótіp, jol qozǵalysy erejelerіn de elemegen.
«Kólіkpen ketіp bara jattym. Qasymda 12 jastaǵy ulym boldy. Kórgende ne aıtaryn bіlmeı qaldy. Keıіn polıtsııa alyp kettі», – dep jazdy kýágerler jergіlіktі pablıkterde.
Qaraǵandy oblystyq polıtsııa departamentі oqıǵa faktіsіn rastady. Qazіrgі tańda áıelge qatysty ákіmshіlіk іs qozǵalyp, jınalǵan materıaldar sotqa joldanǵan.
Material avtory
