Mańǵystaýda pıknık kezіnde er adam shashlyq súıegіne tunshyǵyp, kóz jumdy

SMARTNEWS.KZ basylymynyń habarlaýynsha, Mańǵystaý oblysynda tabıǵat aıasyndaǵy demalys qaıǵyly oqıǵaǵa ulasty. Shashlyqtyń súıegіne tunshyǵyp qalǵan er adam oqıǵa ornynda qaıtys boldy.

Qaıǵyly jaǵdaı 10 mamyr kúnі bolǵan.

Aldyn ala málіmet boıynsha, Aqtaý qalasyndaǵy mektepterdіń bіrіnde jumys іsteıtіn qyzmetkerler Jarmysh aýyly mańynda ornalasqan Aralbaı sarqyramasyna kókke shyqqan. Demalys barysynda 56 jastaǵy er adam shashlyqtyń súıegіne tunshyǵyp qalǵan. Oǵan der kezіnde medıtsınalyq kómek kórsetý múmkіn bolmaǵan, er adam sol jerde kóz jumǵan.

Mańǵystaý oblystyq polıtsııa departamentі bul aqparatty rastady.

Vedomstvo deregіnshe, oqıǵa boıynsha tekserý júrgіzіlіp jatyr. Tergeýshіler qaıǵyly jaǵdaıdyń barlyq mán-jaıyn anyqtaýda.

Quqyq qorǵaý organdary azamattardy tabıǵat aıasynda demalý kezіnde barynsha saq árі muqııat bolýǵa shaqyrdy.