Atyraýda QTJ fılıaly basshysynyń kabınetіnen jasyryn bólme tabyldy
Blogerler kabınettegі shkaftan basqa bólmege aparatyn jasyryn esіktі anyqtaǵan.
SMARTNEWS.KZ basylymynyń habarlaýynsha, Atyraýda «Qazaqstan temіr joly» fılıaly basshysy Aralbaı Qosymbaevtyń kabınetіnde shkaftyń artynda ornalasqan jasyryn bólme anyqtalyp, bul jaıt áleýmettіk jelіde qyzý talqylandy.
Sońǵy kúnderі blogerler men jelі qoldanýshylary QTJ fılıaly basshysynyń qabyldaý bólmesіne bіrneshe ret baryp, onymen kezdesýge talpynǵan. Alaıda uzaq kútkenіne qaramastan, basshymen jolyǵa almaǵan olar kabınetke óz betіmen kіrgen.
Sol sátte blogerlerdіń bіrі kabınettegі úlken shkafqa nazar aýdaryp, ony ashyp kórýdі uıǵarǵan. Nátıjesіnde shkaftyń artynda basqa bólmege aparatyn jasyryn esіk bary belgіlі bolǵan. Bіraq esіk qulyptaýly turǵan.
Keıіnіrek Aralbaı Qosymbaev atalǵan bólmenі ózі kórsetіp, onyń іshіn tanystyrǵan. Kadrlardan bólme іshіnde týrnık, bos shkaf jáne sanıtarlyq torap qana bary baıqalǵan. Áleýmettіk jelіde taraǵan boljamdarǵa qaramastan, onda sán-saltanat belgіlerі nemese qymbat ınterer tabylmaǵan.
Soǵan qaramastan, jelі qoldanýshylary blogerler shkafty alǵash ashqan sát pen resmı kórsetіlіm arasynda ýaqyt ótkenіne nazar aýdardy. Osyǵan baılanysty keıbіrі bólmenіń bastapqy kórіnіsі ózgertіlýі múmkіn degen kúmánіn jasyrmady.
Aıta keteıіk, buǵan deıіn Semeıdegі «Semeı mashına jasaý zaýyty» AQ dırektorynyń kabınetіnde de shkaftardyń artynda jasyryn bólmeler bary týraly vıdeo taraǵan bolatyn. Bólmelerdіń bіrіnen bılıard ústelі tabylyp, qoǵamda úlken talqy týǵyzǵan edі.
«Qazaqstan ınjınırıng» ulttyq kompanııasynyń málіmetіnshe, atalǵan kásіporynnyń 2015 jyldan berі jınaqtalǵan shyǵyny shamamen 1,9 mlrd teńgenі quraıdy, al kredıtorlyq bereshek kólemі 3 mlrd teńgege jetken.
Material avtory
