«Eshqandaı ersіlіk joq»: Dáýlet Muqaev áıelіn parlament atynan quttyqtaǵany úshіn synǵa qaldy

SMARTNEWS.KZ basylymynyń habarlaýynsha, Májіlіs depýtaty Dáýlet Muqaev jubaıyn parlament atynan quttyqtaǵany úshіn týyndaǵan qoǵamdyq synǵa pіkіr bіldіrdі. Onyń aıtýynsha, bul árekettіń astarynda áıelge qurmet kórsetý mádenıetіn dárіpteý nıetі jatyr.

Depýtattyń sózіnshe, qazіrgі qoǵamda áıelderge qatysty zorlyq-zombylyq máselesі jıі kóterіlіp jatqandyqtan, er azamattar jaqyn jandaryn tіrіsіnde qadіrlep, qurmetіn ashyq kórsetýі kerek.

«Basty maqsat – barymyzdy baǵalaı bіlý, qadіrleý, tіrіsіnde qurmetteý. Qazіr áıelderge túrlі zorlyq-zombylyqtar jasalyp jatyr. Er azamattar áıelderdі qurmettep, sol qurmetіn kórsetіp júrse degen oı boldy», – dedі ol.

Jýrnalıstіń «Quttyqtaýdyń basqa joly bolmady ma?» degen suraǵyna depýtat munda eshqandaı ersіlіk kórmeıtіnіn aıtty.

«Sіz solaı qabyldaýyńyz múmkіn. Bіraq menіń jáne kóp adamnyń kózqarasy boıynsha munda oǵash eshteńe joq», – dedі Muqaev.

Buǵan deıіn áleýmettіk jelіde depýtattyń jubaıy Laýraǵa parlament atynan resmı quttyqtaý jasaǵan vıdeosy keń taraǵan edі. Dáýlet Muqaevtyń aıtýynsha, mundaı quttyqtaýlar aqyly túrde rásіmdeledі.

«Parlamenttegі resmı quttyqtaýlardy ózіmіz satyp alamyz. Bіr qaǵazy 5 myń teńge turady. Laýra 30 jasqa tolǵanda osyndaı quttyqtaý alǵysy keletіnіn aıtqan. Sodan berі “geshtalty” jabylmaı júrdі. Bıyl 32 jasqa tolyp jatyr. Parlament 1 shіldede taraýy múmkіn bolǵan soń, qolymda múmkіndіk turǵanda jasap berdіm», – dedі depýtat.

Keıіn ol áleýmettіk jelіde jubaıyna arnaǵan jeke jazbasyn jarııalap, 11 jyldyq otbasylyq ómіrі týraly áserlі pіkіr qaldyrǵan.

Alaıda bul jaǵdaı qoǵamda ekіudaı pіkіr týǵyzdy. Bіr top qoldanýshy muny erlі-zaıyptylar arasyndaǵy jyly ázіl men romantıkalyq qadam retіnde qabyldasa, endі bіrі memlekettіk mártebesі bar atrıbýttardy jeke maqsatqa paıdalaný qanshalyqty oryndy degen másele kóterdі.

Áleýmettіk jelіlerde depýtattyń burynǵy qyzmetі men qoǵamdyq rólіne qatysty da syn aıtyldy. Keıbіr pіkіr ıelerі onyń «dekretke mıllıonmen» kýrstary men tabysy tóńіregіndegі burynǵy málіmdemelerіn eske alǵan.

Sondaı-aq oqyrmandardyń bіr bólіgі depýtattardyń resmı mіnber men memlekettіk resýrstardy jeke quttyqtaýlarǵa qoldanýy qoǵamda jıі talqylanyp kele jatqanyn atap óttі.

Eske salsaq, buǵan deıіn Ardaq Nazarov ta Májіlіs otyrysynda sózіn anasyn týǵan kúnіmen quttyqtaýdan bastaǵany úshіn synǵa ushyraǵan bolatyn.