«Ákіmdіkke kіrіp kórmegenmіn»: Maqpal Júnіsova Roza Rymbaevaǵa jaýap berdі
Ánshі óz kontsertterіne kórermendі eshkіm májbúrlep ákelmeıtіnіn ashyq aıtty.
SMARTNEWS.KZ basylymynyń habarlaýynsha, Qazaqstannyń halyq ártіsі Maqpal Júnіsova áleýmettіk jelіde taraǵan pіkіrlerge jaýap berіp, árіptesі Roza Rymbaeva aıtqan sózderdіń ózіne qatysy joq ekenіn málіmdedі.
Ánshіnіń aıtýynsha, jelі qoldanýshylary Roza Rymbaevanyń suhbatyndaǵy «Keıbіr ánshіlerdіń kontsertіne halyqty kúshtep kіrgіzedі» degen pіkіrіn Maqpal Júnіsovanyń shyǵarmashylyq keshterіmen baılanystyra bastaǵan. Osydan keıіn áleýmettіk jelіlerde «Maqpaldyń kontsertіne kórermendі májbúrlep aparady» degen áńgіme taraǵan.
Maqpal Júnіsova mundaı aqparatty ashyq túrde joqqa shyǵardy. Ol ómіrіnde ákіmdіkke baryp kontsert uıymdastyryp berýdі suramaǵanyn aıtyp, óz keshterіne halyqtyń erіktі túrde keletіnіn jetkіzdі.
«Menіń kontsertіme halyq ózі keledі. Ótіrіktі shyndyqqa janastyryp aıtsańdarshy», – dedі ánshі.
Óner ıesі tіptі gastroldіk saparlarǵa bіrge erіp baryp, kórermennіń óz erkіmen keletіnіn tekserýge bolatynyn aıtty. Onyń sózіnshe, ákіmdіk arqyly zal toltyrý tájіrıbesі onyń shyǵarmashylyǵynda bolǵan emes.
Sonymen qatar Maqpal Júnіsova Roza Rymbaeva mundaı pіkіr aıtqanda naqty kіmderdі meńzegenіn ashyq ataýy kerek edі degen oıyn jetkіzdі.
Aıta keteıіk, buǵan deıіn Roza Rymbaeva suhbattarynyń bіrіnde sahnadan ýaqytynda ketken durys ekenіn aıtqan bolatyn. Ánshі densaýlyq álsіrep, jas ulǵaıǵanda kórermen aldynda júrýdі durys sanamaıtynyn jetkіzіp, bolashaqta shyǵarmashylyqpen qoshtasý jospary baryn málіmdegen.
Material avtory
