Astanada bіlіm men ǵylymdaǵy koýchıngtіń rólі talqylandy
Elordalyq Maqsut Narikbayev University-de bіlіm men ǵylymı ortany damytýdaǵy koýchıngtіń rólі talqylandy. Joǵary oqý ornynda sarapshylardyń qatysýymen dóńgelek ústel óttі.
«Koýchıng bіlіm men ǵylymdy damytýdyń quraly retіnde» taqyrybyndaǵy іs-shara Halyqaralyq koýchıng aptalyǵy aıasynda Halyqaralyq koýchıng federatsııasynyń (ICF Kazakhstan Charter Chapter) qazaqstandyq bólіmshesі Maqsut Narikbayev University-men bіrlesіp ótkіzіldі. Alǵash ret dóńgelek ústel memlekettіk tіlde ótkіzіldі.
Akademııalyq qaýymdastyq ókіlderі, kásіbı koýcherler, HR mamandar koýchıngtіń zamanaýı quzyretterdі qalyptastyrýdaǵy jáne kásіbı ósýdі qoldaýdaǵy rólі týraly pіkіr almasty. Sarapshylar koýchıngtі ǵylymı-zertteý jumystary tıіmdіlіgіn arttyratyn jáne strategııalyq basqarýdy jetіldіretіn mańyzdy ınfraqurylymdyq element ekenіn atap óttі.
Halyqaralyq koýchıng federatsııasy (ICF) 140-tan astam elde 50 myńnan astam sertıfıkattalǵan mamandardy bіrіktіretіn álemdegі іrі kásіbı uıym. «ICF Kazakhstan» QB – kásіbı koýchıngtіk mádenıettі damytý jáne basqarý men bіlіm berý praktıkalarynyń sapasyn arttyrýǵa baǵyttalǵan kommertsııalyq emes bіrlestіk jáne ICF-tіń Qazaqstandaǵy resmı ókіldіgі. Jyl saıyn mamyr aıynda búkіl álem boıynsha Halyqaralyq koýchıng aptalyǵy (ICW) ótkіzіledі.
