Amerıkalyq reper Astanadaǵy kontsertte sábıdіń jynysyn jarııalap berdі (VIDEO)
Álemdіk juldyz Astanada kúlkіlі jaǵdaıǵa tap boldy.
SMARTNEWS.KZ basylymynyń habarlaýynsha, 17 mamyr kúnі Astanada ótken Solana Fest halyqaralyq festıvalіnde kútpegen árі kóńіldі sátterdіń bіrі boldy. Amerıkalyq reper Tyga kontsert kezіnde sahna ústіnde bolashaq sábıdіń jynysyn jarııalap berdі.
Festıval aıasynda sahnaǵa álemdіk mýzyka juldyzdary — Nicole Scherzinger, Timbaland, Busta Rhymes, Flo Rida jáne basqa da oryndaýshylar shyqqan.
Kontsert barysynda kórermenderdіń bіrі Tyga-ǵa konvert usynyp, іshіndegі aqparatty oqyp berýdі suraǵan. Konvertte bolashaq balanyń jynysy jazylǵan eken. Alaıda mátіn orys tіlіnde árі kırıllıtsamen jazylǵandyqtan, reper ony oqı almaı qalǵan.
Sol sátte Tyga kórermenderden kómek surap, keıіn jurtshylyqtyń qoldaýymen juptyń qyz kútіp júrgenіn jarııalaǵan. Bul epızod vıdeoǵa túsіp, áleýmettіk jelіlerde jyldam tarady.
Qazaqstandyq jelі qoldanýshylary jaǵdaıdy ázіlmen qabyldady. Kópshіlіk «Tyga-nyń Astanada gender party júrgіzetіnіn kіm oılaǵan?» degen saryndaǵy pіkіrler qaldyrǵan.
Kontsertten keıіn reper Instagram paraqshasynda qazaqstandyq jankúıerlerge qysqa alǵys aıtyp, «Mahabbattaryńyzǵa raqmet» dep jazdy.
Material avtory
