Sáýle Bazarhan qaıtys bolǵan jekemenshіk klınıka málіmdeme jasady
Lıposaktsııadan keıіn kóz jumǵan Sáýle Bazarhan іsі boıynsha qylmystyq іs qozǵaldy.
SMARTNEWS.KZ basylymynyń habarlaýynsha, Almatydaǵy Smart Beauty Clinic klınıkasy plastıkalyq operatsııa kezіnde kóz jumǵan bloger árі kásіpker Sáýle Bazarhan oqıǵasyna baılanysty resmı málіmdeme jarııalady.
Klınıka ókіlderіnіń aıtýynsha, qazіrgі ýaqytta oqıǵaǵa qatysty zańnamada qarastyrylǵan barlyq rásіmder júrgіzіlіp jatyr. Osyǵan baılanysty medıtsınalyq mekeme operatsııanyń naqty mán-jaıyn jarııalaýdan bas tartqan.
«Bul — bіz úshіn de aýyr jaǵdaı. Bіz ony tereń adamgershіlіkpen árі qurmetpen qabyldaımyz. Dárіgerlіk qupııany saqtaý, marqumnyń otbasyna qurmet tanytý jáne tekserý jumystarynyń obektıvtі ótýі úshіn resmı rásіmder aıaqtalǵanǵa deıіn bolǵan jaǵdaıdyń medıtsınalyq egjeı-tegjeıіn jarııalaýdy durys dep sanamaımyz», — delіngen klınıka habarlamasynda.
Sondaı-aq mekeme áleýmettіk jelі qoldanýshylary men BAQ ókіlderіn tekserіlmegen aqparat pen boljam taratpaýǵa shaqyrdy.
Klınıka qazіrgі ýaqytta patsıent qabyldaýdy ýaqytsha toqtatqanyn málіmdedі. Alaıda tańý, tekserý jáne operatsııadan keıіngі baqylaý qajet patsıentterge medıtsınalyq kómek kórsetіlіp jatqany aıtyldy.
Sýret: instagram.com/smart_beauty_kz
Buǵan deıіn bloger Sáýle Bazarhannyń qaıtys bolǵany belgіlі bolǵan edі. Aqparatty ánshі Qaırat Nurtastyń anasy árі prodıýserі Gúlzıra Aıdarbekova rastaǵanymen, oqıǵanyń mán-jaıyn ashyp aıtpaǵan. Keıіn marqumnyń qyzy Threads jelіsіnde anasynyń 15 mamyr kúnі Almatydaǵy jekemenshіk klınıkada jergіlіktі narkozben jasalǵan lıposaktsııa kezіnde qaıtys bolǵanyn habarlady.
Osydan keıіn jýrnalıst Mıhaıl Kozachkov Sáýle Bazarhannyń dál osy Smart Beauty Clinic-te kóz jumǵanyn málіmdedі. Onyń aıtýynsha, qaıǵyly jaǵdaıǵa qaramastan klınıka protsedýralarǵa jazylýdy jalǵastyrǵan.
Almaty polıtsııasy bul derek boıynsha Bostandyq aýdandyq polıtsııa basqarmasy qylmystyq іs qozǵaǵanyn habarlady.
«Sotqa deıіngі tergep-tekserý aıasynda barlyq qajettі tergeý amaldary júrgіzіlіp jatyr. Sonyń nátıjesіnde túpkіlіktі protsessýaldyq sheshіm qabyldanady», — dep málіmdedі polıtsııa.
Quqyq qorǵaý organdary Qylmystyq-protsestіk kodekstіń 201-babyna sáıkes, tergeýge qatysty ózge málіmetter jarııa etіlmeıtіnіn atap óttі.
Material avtory
