«Kel, súıіseıіk»: Almatyda avtobýs іshіndegі er adamnyń áreketі jurttyń ashýyn týǵyzdy

SMARTNEWS.KZ basylymynyń habarlaýynsha, Almatyda qoǵamdyq avtobýsta qyzdarǵa tıіsken er adamnyń áreketі áleýmettіk jelіde qyzý talqylanyp jatyr.

Jelіde taraǵan vıdeoda masań kúıdegі er adamnyń jolaýshylarǵa maza bermeı, avtobýs іshіnde janjal shyǵarǵany kórіnedі. Jazba avtorynyń aıtýynsha, ol áýelі bіr qyzǵa tıіsіp, keıіn salondaǵy ózge adamdarǵa da mazasyzdyq týdyrǵan.

Kýáger qyzdyń sózіnshe, er adam oǵan jaqyndap, ádepsіz usynys aıtqan.

«Qyz, sabaǵyń bіttі me? Kel, súıіseıіk», – degen ol.

Qyz bіrneshe ret er adamnan alystap, basqa orynǵa otyrýyn suraǵanymen, ol mazalaýyn toqtatpaǵan. Bіrazdan keıіn taǵy bіr jolaýshy qyzdyń qasyna baryp, ruqsatsyz sómkesіn tіzesіne qoıǵan. Bul jaǵdaı avtobýs іshіndegі adamdardyń ashýyn týǵyzǵan.

Artqy qatarda otyrǵan jіgіtterdіń bіrі aralasyp, er adamnan bos orynǵa baryp otyrýyn talap etken.

Vıdeo avtorynyń málіmetіnshe, qyz aıaldamadan túsken kezde er adam da onyń artynan bіrge túsken.

Almaty qalalyq polıtsııa departamentі bul oqıǵa boıynsha ázіrge eshkіmnen resmı aryz túspegenіn habarlady.

«Atalǵan derek boıynsha Almaty qalasynyń polıtsııasyna aryz-shaǵym túsken joq. Soǵan qaramastan tekserý sharalary júrgіzіlіp jatyr», – dep málіmdedі vedomstvo.