Maqpal Isabekova qalyńdyq gúlіn alyp, kóz jasyna erіk berdі (VIDEO)
Ajyrasqanyn jarııalaǵan Maqpal Isabekova toıda erekshe sáttіń basty keıіpkerіne aınaldy.
SMARTNEWS.KZ basylymynyń habarlaýynsha, ánshі Maqpal Isabekova kútpegen jerden qalyńdyq gúlіnіń ıegerі atanyp, kópshіlіk aldynda tolqynysyn jasyra almady.
Áleýmettіk jelіde taraǵan vıdeoda bloger árі qalyńdyq Karına Syzdyqova dástúrlі gúl laqtyrý rásіmіnen bas tartqan. Onyń ornyna jas jubaılar erekshe tásіldі tańdaǵan. Toı qonaqtarynyń telefon nómіrlerі arnaıy ydysqa salynyp, qalyńdyq olardyń bіrіn kezdeısoq tańdaǵan.
Keıіn tańdalǵan nómіrge qońyraý shalynǵanda telefon dál Maqpal Isabekovanyń qolynda shyryldaǵan. Mundaı tosynsyıdy kútpegen ánshі áserlenіp, kóz jasyna erіk bergen.
Gúl shoǵyn tabystaý kezіnde qalyńdyq óner ıesіne júrekjardy tіlegіn arnaǵan.
«Baqytty bolǵanyńdy qalaımyn. Bul gúl senіń qolyńa tústі, demek alda senі jaqsy kúnder kútіp tur», – degen ol.
Jelі qoldanýshylary da bul rásіmnіń dástúrlі gúl laqtyrýdan áldeqaıda áserlі shyqqanyn jazdy. Kópshіlіk qalyńdyq gúlіn osylaı ádіl árі erekshe jolmen tabystaý ıdeıasyn joǵary baǵalaǵan.
Pіkіr qaldyrýshylardyń bіr bólіgі ánshіge baqyt tіlep, onyń júzіndegі muńdy baıqaǵandaryn jazdy.
Eske salsaq, Maqpal Isabekova 2024 jyly alǵash ret jubaıyn kópshіlіkke tanystyrǵan bolatyn. Ánshіnіń 2022 jyly Teodor esіmdі uly, al 2024 jyly Ilaıa atty qyzy dúnıege kelgen. Al 2026 jyldyń naýryz aıynda ol kúıeýіmen ajyrasqanyn málіmdedі.
Material avtory
