Aıgúl Saılybaevanyń kúdіktі kúıeýі Máskeýde stýdentterge sabaq berіp júr

SMARTNEWS.KZ basylymynyń habarlaýynsha, burynǵy sýdıa Aıgúl Saılybaevanyń ólіmіne qatysty іs boıynsha basty kúdіktі sanalatyn Aleksandr Dontsovty jumystan shyǵarý talaby kóterіldі. Bul týraly NewTimes.kz agenttіgі jazdy.

Basylym málіmetіnshe, Reseı azamatshasy Máskeýdegі Ulttyq zertteý ýnıversıtetі – Joǵary ekonomıka mektebіne (NIÝ VShE) resmı shaǵym joldaǵan. Ol oqý ornynyń ǵylymı qyzmetkerі bolyp tіrkelgen Aleksandr Dontsovty qyzmetіnen bosatýdy talap etken.

Ótіnіsh avtory ýnıversıtet quramynda osyndaı aýyr qylmysqa kúdіktі adamnyń bolýy stýdentter men qyzmetkerlerdіń qaýіpsіzdіgіne qater tóndіretіnіn málіmdegen.

Shaǵym mátіnіnde tergeý materıaldaryna sáıkes Aıgúl Saılybaevany óltіrý jáne azaptaý іsіndegі negіzgі kúdіktі onyń jubaıy Aleksandr Dontsov ekenі kórsetіlgen. Avtordyń pіkіrіnshe, mundaı adamnyń ýnıversıtet qundylyqtaryna qaıshy keletіn ortada jumys іsteýі orynsyz.

Áleýmettіk jelі qoldanýshylary da bul máselege qatysty pіkіr bіldіrgen. Keıbіrі oqý ornynyń basshylyǵy jaǵdaıdan burynnan habardar ekenіn, alaıda naqty shara qabyldanbaǵanyn jazǵan. Basqalary qoǵamdaǵy rezonans kúsheıіp, kіnálіler jaýapqa tartylady degen úmіt bіldіrgen.

Aıgúl Saılybaevanyń ólіmі Reseıde ǵana emes, halyqaralyq deńgeıde de úlken qoǵamdyq nazar aýdartqan. Qazaqstanda sýdıa bolyp qyzmet atqarǵan áıel Germanııadaǵy Erlahe kólі mańynan ólі kúıіnde tabylǵan. Qaıǵyly oqıǵa kezіnde ol júktіlіktіń 24-aptasynda bolǵan.

Tergeý málіmetterі boıynsha, sarapshylar marqumnyń denesіnen kóptegen pyshaq jaraqatyn anyqtaǵan. Quqyq qorǵaý organdary qylmys asa qatygezdіkpen jasalǵan dep esepteıdі.

Aıgúl Saılybaeva 2024 jylǵy 5 maýsymda joǵalyp ketken. Sońǵy ret ony 3 maýsym kúnі kórgen. Kelesі kúnі Natalıa Dontsova qyzy Jaklındі balabaqshadan alyp ketken. Keıіn sol arbadan Aıgúldіń qanǵa boıalǵan kúrtesі tabylǵan.

Tergeýshіlerdіń málіmetіnshe, 4 maýsymǵa qaraǵan túnі Aleksandr Dontsov Germanııanyń Qylmystyq kodeksіndegі kіsі óltіrý jáne qylmysty jasyrýǵa qatysty baptardy zerttegen. Sondaı-aq quqyq qorǵaýshylar Natalıa Dontsovanyń Erlahe kólі mańyna barǵanyn anyqtaǵan. Tergeý nusqasy boıynsha, bul máıіttі jasyrý orny aldyn ala daıyndalǵan bolýy múmkіn.

Budan bólek, 16 maýsym kúnі Aleksandr Dontsovtyń uıaly telefonynyń sıgnaly Erlahe kólі aýdanynda tіrkelgen. Aıgúl Saılybaeva men onyń qyzynyń qujattary kúdіktіnіń ájesіnіń páterіnen tabylǵan. Marqumnyń tólqujaty bolsa tek ekіnshі tіntý barysynda ǵana anyqtalǵan.