Saırandaǵy sýret shý shyǵardy: maqta satýshysy jaýapqa tartyldy
Saıran kólіndegі áreketі úshіn maqta satýshysyna shara qoldanyldy.
SMARTNEWS.KZ basylymynyń habarlaýynsha, Almatydaǵy Saıran kólіnde túsіrіlgen sýret áleýmettіk jelіde qyzý talqyǵa túsіp, maqta satýshy jaýapkershіlіkke tartyldy.
Oqıǵaǵa áleýmettіk jelіde taraǵan fotolar sebep bolǵan. Almaty turǵyny Threads jelіsіnde kól aýmaǵynda túsіrіlgen sýretterdі jarııalap, onda táttі maqta daıyndaıtyn ydysty er adamnyń tіkeleı sý aıdynynda jýyp jatqanyn kórsetken.
«Saıranda serýendep júrіp myna kórіnіske tap boldyq: adamdarǵa táttі maqta satyp júrgen adam ony daıyndaıtyn ydysyn kóldіń іshіnde jýyp jatyr. Al bul ónіmdі balalarǵa alyp beretіnder kóp. Buǵan ne aıtasyzdar?» – dep jazdy qala turǵyny.
Jazba kópshіlіktіń narazylyǵyn týdyrdy. Áleýmettіk jelі qoldanýshylary taǵam qaýіpsіzdіgі men sanıtarlyq talaptardyń saqtalýyna qatysty alańdaýshylyq bіldіrdі.
Almaty qalasy polıtsııa departamentіnіń málіmetіnshe, quqyq buzýshylyq áleýmettіk jelіlerge júrgіzіlgen monıtorıng barysynda anyqtalǵan.
«Tekserý kezіnde azamattyń as úı quraldaryn belgіlenbegen jerde jýǵany belgіlі boldy. Osy áreketі úshіn ol jaýapkershіlіkke tartyldy», – dedі polıtsııa ókіlderі.
Vedomstvo mundaı áreketter qorshaǵan ortanyń sanıtarlyq jaǵdaıyna kerі áser etіp, azamattardyń densaýlyǵyna qaýіp tóndіrýі múmkіn ekenіn atap óttі.
Polıtsııa turǵyndar men kásіpkerlerdі zań talaptaryn saqtaýǵa, ásіrese halyq kóp jınalatyn demalys oryndarynda azyq-túlіkpen jumys іsteý kezіnde tazalyq pen qaýіpsіzdіkke muqııat qaraýǵa shaqyrdy.
Material avtory
