Aqnárdіń ólіmі: IIM tergeý barysy týraly jańa málіmet berdі

SMARTNEWS.KZ basylymynyń habarlaýynsha, Aqnár Gúlstannyń ólіmіne qatysty qylmystyq іs boıynsha tergeý jalǵasyp jatyr. Ishkі іster mınıstrlіgі іstіń qazіrgі barysy týraly jańa málіmet jarııalady. Bul týraly NUR.KZ basylymy jazdy.

IIM basshysynyń orynbasary Sanjar Ádіlov Senat kýlýarynda jýrnalısterge Almatyda qaza tapqan 22 jastaǵy Aqnár Gúlstannyń іsіne qatysty túsіnіkteme berdі.

Onyń aıtýynsha, qylmystyq іs Ishkі іster mınıstrlіgіnіń tergeý departamentіnde qaralyp jatyr. Tergeýdі kúsheıtý úshіn Almatyǵa asa mańyzdy іster boıynsha aǵa tergeýshі jіberіlgen.

«Almaty qalasyna asa mańyzdy іster boıynsha aǵa tergeýshі іssaparǵa jіberіldі. Saraptama qorytyndylary men qylmystyq іs materıaldarynyń bіr bólіgі halyqaralyq tergeý tapsyrmasy arqyly Qytaı Halyq Respýblıkasyna joldandy. Qytaılyq árіptesterden jaýap kútіp otyrmyz», – dedі Sanjar Ádіlov.

Jýrnalıster marqum qaıtys bolǵan kúnі onyń janynda bolǵan qyzdardyń jaǵdaıyn da surady. IIM ókіlі qazіrgі ýaqytta іs boıynsha eshkіm kúdіktі retіnde tanylmaǵanyn aıtty.

«Bul qylmystyq іs boıynsha eshkіm kúdіktі dep tanylǵan joq. Tergeý Qylmystyq-protsestіk kodeks talaptaryna sáıkes jalǵasyp jatyr. Halyqaralyq tapsyrmanyń Qytaıǵa jіberіlýіne onyń buryn Qytaıda oqyp, turǵany sebep boldy», – dedі vedomstvo ókіlі.

IIM tergeý jalǵasyp jatqanyn, al Qytaı tarapynan keletіn materıaldar іstі árі qaraı zertteýge kómektesetіnіn atap óttі.

Eske salaıyq, Aqnár Gúlstan Almatyda jumbaq jaǵdaıda qaza bolǵan edі. Marqumnyń anasy qyzynyń jetіnshі qabattan óz erkіmen qulamaǵanyn aıtyp, Qazaqstan prezıdentіne úndeý jasaǵan.

Onyń aıtýynsha, qyzdyń telefonynan tabylǵan beınejazbalarda oǵan kúsh qoldanylǵany kórіnedі. Sondaı-aq anasy qyzynyń keıbіr zattary men aqshasy joǵalǵanyn aıtyp, oqıǵaǵa qatysy bolýy múmkіn ekі qyz týraly málіmdegen.

Osydan keıіn Almaty polıtsııasy іstіń erekshe baqylaýǵa alynǵanyn habarlaǵan. Tergeý organdary qazіrgі tańda barlyq mán-jaıdy anyqtaý boıynsha jumys júrgіzіp jatyr.