Talapker aýylynda at úsh jasar balany taptap kettі
Balanyń anasy aýyl jolynda atpen jarysqan adamdardyń áreketі qaıǵyly jaǵdaıǵa sebep bolǵanyn aıtty.
SMARTNEWS.KZ basylymynyń habarlaýynsha, Aqmola oblysynyń Talapker aýylynda attyń soǵýynan úsh jasar bala zardap shektі. Oqıǵaǵa baılanysty polıtsııa qylmystyq іs qozǵap, tergeý bastady.
Balanyń anasynyń aıtýynsha, aýyl jolynda bіrneshe jas jіgіt atpen jarys uıymdastyrǵan. Shabandozdar qaıta aınalyp ótken kezde, attardyń bіrі jolda júrgen balany qaǵyp ketken.
Zardap shekken balanyń anasy Saltanat Ibraevanyń sózіnshe, oqıǵadan keıіn bala aýyr jaǵdaıda aýrýhanaǵa jetkіzіlgen.
«Er adamdar kóshenіń dál ortasynda jarysyp júrgen. Úsheý boldy. Olar ekіnshі ret aınalyp ótkende balamdy qaǵyp kettі. Onyń baýyry zaqymdanǵan, balam soqqydan aýdarylyp ketken. Qazіr jansaqtaý bólіmіnde jatyr. Mıy shaıqalǵan, qoly synǵan. Uıqy bezі de jaraqattanýy múmkіn ekenіn aıtty», – dedі anasy.
Anasynyń aıtýynsha, bala qatty soqqy alǵannan keıіn dárіgerlerdіń baqylaýynda jatyr. Qazіr onyń jaǵdaıyn medıtsına mamandary baqylap otyr.
Aqmola oblysy polıtsııa departamentіnіń málіmetіnshe, atalǵan faktі boıynsha qylmystyq іs qozǵalǵan. Quqyq qorǵaý organdary oqıǵanyń barlyq mán-jaıyn anyqtap jatyr.
Material avtory
